Bitcoin ka përjetuar një prej performancave më të këqija të 10 viteve të fundit, por në të njëjtën kohë vlera është bërë më e qëndrueshme.

Paqëndrueshmëria e monedhës kriptografike më të madhe në botë ka rënë në pikën më të ulët dhe prej dy javësh ka rezultuar edhe më i qëndrueshëm sesa aksionet e kompanive.

Matur mbi baza javore, paqëndrueshmëria ka rënë në pikën më të ulët që nga 2016-ta.

Luhatja e vlerës është parë si një karakteristikë e monedhave kriptografike dhe në veçanti për bitcoin që pak ditë më parë përkujtoi 10 vjetorin e themelimit.

Autoritetet në mbarë botën e kanë kritikuar monedhën pikërisht për këtë mungesë stabiliteti duke hedhur dyshime se ajo mund të ruajë vlerën e saj.

Gjithashtu është një arsye e cila nuk ka lejuar adoptimin në masë të bitcoin si formë pagese.

Megjithatë investitorët dhe tregtarët tashmë duke parë zhvillimet pozitive në këtë drejtim, presin qëndrimin e autoriteteve financiare.

Në Dhjetor të vitit të kaluar bitcoin shkoi deri në 1,300 të vlerës që kishin në fillim dhe vlerësuar me 20,000 dollarë.

Por gjatë 2018-ës vlera ka rënë me 70% dhe aktualisht sillet mes 6,000 deri në 6,500 dollarë. /PCWorld Albanian