Një video që po qarkullon në rrjetet sociale ka nxitur reagime të ashpra tek personat që merren me mbrojtjen e kafshëve, pasi në të shfaqet një tigër i cili keqtrajtohet nga punëtori i kopshtit zoologjik, vetëm dhe vetëm që vizitorët të bëjnë një fotografi me të.

Videoja shfaq punëtorin e një kopshti zoologjik në Tajlandë i cili vazhdimisht e godet dhe shpon me një shkop tigrin, me qëllim që ai të rri urtë derisa vizitorët fotografohen me të, transmeton Telegrafi.

Edëin Ëiek i cili ka publikuar videon në Facebook ka shkruar: “Sot isha dëshmitar i një veprimi të shëmtuar, ku turistët kënaqeshin kur punëtori i kopshtit zoologjik torturonte tigrin, me qëllim që ata të mund të bëjnë një foto me të”.

Ai ka kërkuar së bashku me mijëra tjerë që të ndryshohet ligji për kafshët e egra që në këtë vend nuk janë edhe aq të mbrojtura me ligj. /Telegrafi/