Deputeti i Lidhjes Demokratike të Kosovës, Haxhi Avdyli, ka shkruar në llogarinë e tij në Facebook se përveç partive opozitare edhe dy deputetë nga komunitetet nuk do ta votojnë Ramush Haradinajn për kryeministër, njofton Klan Kosova.
Avdyli nuk ka treguar as emrat e këtyre dy deputetëve të cilët sipas tij nuk votojnë pro Haradinaj e as cilit komunitet i takojnë.
“Lajm i mirë nga djepi i kulturës dhe bashkëjetesës- Prizreni: 2 deputetë të Kuvendit të Kosovës, nga komunitetet, nuk e votojnë PAN-in. Ata në kohë dhe momentin e duhur do shpallin vendimin e tyre”.