Dominimi i Google në Evropë do të vijojë pavarësisht shkëputjes së Google Search dhe Chrome nga Android

E publikuar: 28/10/2018 23:01
Rreshtat+- AShkronjat+- Printo

Në fillim të Tetorit Google filloi ti nënshtrohej vendimit të Komisionit Evropian për të ndarë aplikacionet e saj nga sistemi operativ Android, një vendim që i ka kushtuar plot 5 miliardë dollarë.


Ndërsa detajet e para të kësaj marrëveshjeje kanë filluar të dalin në sipërfaqe, vështirë të imagjinohet që kanë për të frenuar dominimit mobil të Google jo vetëm në Evropë po kudo në botë.

Që nga fillimi Google ka mohuar abuzimet me pozitat dominuese dhe apeluar vendimit e Komisionit, megjithatë ndryshimet e bëra publike janë si për të parandaluar përsëritjen e një tjetër skenari 5 miliardë dollarësh.


Android në Evropë është prezent në 74% të telefonëve sipas StatCounter. Në Korrik KE-ja tha se Google ka abuzuar me pozitat dominuese dhe promovuar shërbimet e saj duke dobësuar rivalët në proces e sipër.

Google u detyrua të shkëpuste aplikacionet Chrome dhe Play Store nga Android. Kompania prezantoi metodën e re të licencimit të Play Store, Gmail, Youtube, Maps e shumë të tjera.

Prodhuesit e telefonëve si Samsung duhet të licencohen tashmë për të instaluar këto aplikacione ndërsa që nuk janë të detyruar të instalojnë Chrome dhe Google Search.

Google thotë se përfshirja e dy aplikacioneve në fjalë ka mbuluar shpenzimet e kompanisë për zhvillimin e Android dhe për të kompensuar impaktin e vendimit të KE-së do të vendosë tarifa licencimi.

The Verge raportoi se këto tarifa shkojnë deri në 40 dollarë për pajisje.

Nëse është e vërtetë, këtë kosto të lartë kanë për ta paguar qytetarët Evropianë. Ende Google është e hapur për kompanitë që duan të instalojnë Chrome dhe Google Search dhe tju eliminojë tarifat e licencimit.

Konkretisht nëse një prodhues kërkon instalimin e Play Store, Google do të heqë tarifën e licencimit nëse prodhuesi pranon të instalojë Chrome dhe Search.

E thënë thjeshtë, vendimi i Komisionit nuk ka për të ndryshuar asgjë.

Disa prodhues telefonësh Android kanë në dorë të braktisin Play Store dhe të zgjedhin një dyqan tjetër aplikacionesh, por sa ja vlen? Ata nuk kanë aq aplikacionet sa Play Store e nuk janë aq të sigurtë.

Por prodhuesit kanë në dorë të ndërtojnë dyqanet e tyre të aplikacioneve apo edhe versionet e tyre të Android.

Në fund e gjitha kjo kërkon kohë e investim që pak kompani janë të gatshme ta ofrojnë. Status-quo-ja mbetet ajo, dominimi i Google në Evropë është aty për të qëndruar. /PCWorld Albanian