Rilind Lladrovci, djali i kryetarit të Drenasit, Ramiz Lladrovci është kandidat për kryetar i Rinisë Demokratike të Kosovës.
Rinia Demokratike e Kosovës sot do të zgjedhë organet e reja drejtuese për katër vitet e ardhshme.
Për postin e kryetarit të RDK’së janë dy kandidatë, njëri prej tyre djali i Ramiz Lladrovcit nga Drenasi dhe Donjet Bislimi nga dega e Mitrovicës.
Lladrovci ka paraqitur kandidaturën e tij me vonesë, megjithatë kjo iu bë e mundur pasi mblodhi 40 nënshkrime.
Në hapjen e “Dekadës së Re”, mbajti fjalim i pari i PDK’së, Kadri Veseli.
Veseki tha se nuk ka forcë që mund ta ndalojë një vend kur fatin e tij e marrin në duar të rinjtë. E gjithë historia kombëtare, sipas tij, e dëshmon këtë, e dëshmon e tashmja dhe do ta dëshmojë edhe e ardhmja.
