Një qendër e azili gjatë natës është kapluar nga zjarri, pas një sulmi të qëllimshëm, ka thënë sot policia, duke e numëruar këtë si incidentin e dytë gjatë kësaj jave në Stokholm.
Stafi i kampit ka lajmëruar policinë në orët e hershme të mëngjesit pasi kishin dëgjuar zhurma dhe kishin parë flakët në ndërtesë, ka thënë zëdhënësi i policisë së Stokholmit, Kjell Lindgren.
Disa pjesëtarë të stafit dhe nëntë banorë të kampit kishin qenë në vendin ku kishte ndodhur shpërthimi, megjithatë raportohet se nuk ka asnjë të lënduar.
Suedia ka kthyer mbrapsht politikat e saj të pranimit të refugjatëve, duke vendosur kontrollues kufitarë dhe rregulla më të rrepta.
