Roma ka pësuar një tjetër humbje në kampionat që e ka mbajtur larg pozitave që e dërgojnë në Ligën e Kampionëve.
Giallorosët pësuan në udhëtim te Udinese me rezultat minimal 1-0, por edhe dëshpëruan me lojë.
Humbja nga bardhezinjtë ishte e katërta këtë kampionat për Romën, teksa është ndalur katër herë edhe nga brazimet.
Kjo disfatë e ka dëshpëruar edhe trajnerin e Romës, Eusebio Di Francesco.
“Jam shumë i mërzitur, nuk jemi ekip i madh ashtu siç dua unë”, tha Di Francesco.
“Nuk na mjafton vetëm ta mbajmë topin, duhet të shënojmë siç bëjnë skuadrat e mëdha”.
“Më vjen shumë keq, por lojtarët nuk po besojnë te fitorja”, u shpreh Di Francesco.
Roma vazhdon të mbetet në pozitën e gjashtë në tabelë me 19 pikë të grumbulluara pas 13 takimeve.
Në javën e 14-të, kryeqytetasit do të përballen me Interin në Olimpico. /Telegrafi/
