Dhëndri i Presidentit dhe nipi i Zonjës së Parë, punësohen në pozita të rëndësishme në BQK

18.03.2019 20:22
Rreshtat+- AShkronjat+- Printo
Dhëndri i Presidentit dhe nipi i Zonjës së Parë, punësohen në pozita të rëndësishme në BQK

Banka Qendrore e Kosovës ka hapur dyert e punësimeve për familjarë të kreut të shtetit, presidentit Hashim Thaçi.

Më 25 tetor të vitit 2018, Lulëzim Dragusha mori kontratë të rregullt punësimi nga Banka Qendrore e Kosovës, raporton KTV.

Dragusha, i cili është bashkëshorti i deputetes Evgjeni Thaçi, vajzës së vëllait të madh të presidentit, Ganiut, në këtë institucion është zyrtar i lartë për Koordinim me Rregullatorët e Institucioneve Financiare.

“Kohavisioni” e ka pyetur Bankën Qendrore për këtë punësim dhe nëse presidenti ka përdorur autoritetin e tij.

Por, ky institucion është arsyetuar se dy herë ka shpallur konkurs për këtë pozitë, dhe në të dy konkurset kushtet i ka plotësuar vetëm Dragusha, e i cili, sipas BQK-së, ka shkollim adekuat për këtë pozitë.

“Konkursi i parë i shpallur me datë 28 shtator 2018 është anuluar nga ana e BQK-së, për shkak se vetëm një kandidat i ka plotësuar kërkesat e përcaktuara. Në konkursin e dytë të rishpallur me datë 25 tetor 2018, në mesin e kandidatëve që kanë plotësuar kërkesat e konkursit, pas testimit me shkrim dhe intervistave me gojë, komisioni profesional ka vlerësuar se kandidati Lulëzim Dragusha ka qenë kandidati më i suksesshëm në procesin e rekrutimit. I punësuari, ka edukim të fushës relevante, si dhe përvojë të punës në nivel vendor dhe ndërkombëtar, duke filluar nga të qenët asistent profesor në Universitetin ‘North Eastern Illionis’, SHBA, në korporata të ndryshme në SHBA dhe institucione tjera vendore”, thuhet ndër të tjera në përgjigjen e BQK-së.

Pos Dragushës, edhe një familjare e presidentit është e punësuar në BQK.

Bëhet fjalë për Albana Thaçin nga fshati Burojë, një kushërirë e afërt e presidentit. Ajo në fundvitin e 2018-s u punësua aty si zyrtare e Pranimit.

Edhe për këtë Banka Qendrore thotë se u ndoqën procedurat e rregullta të punësimit.

Jo vetëm presidenti ka punësuar familjarë në BQK, edhe bashkëshortja e tij Lumnije Thaçi ka ushtruar ndikimin e saj për ta punësuar nipin, Alban Gërxhaliu, në këtë institucion financiar.

Vite më parë, ai u emërua zyrtar për Integrime Evropiane, në BQK.

Burime të KTV-së kanë bërë të ditur, se Zonja e Parë i kishte shkuar personalisht në zyrë, ish-guvernatorit të BQK-së, tash ministër i Financave, Bedri Hamzës, për takim.

“Kohavisioni” ka provuar të vë kontakte me ministrin e Financave, Hamza, por ky i fundit nuk është përgjigjur në telefon, pasi ndodhet jashtë shtetit.

Ndërkaq, Banka Qendrore ka bërë të ditur se Gërxhaliu u punësua në fundin e vitit 2015. Edhe në rastin e nipit të Zonjës së Parë , BQK-ja thotë se ai ishte më i miri.

“Alban Gërxhaliu ka plotësuar kërkesat e konkursit të datës 22.12.2015 dhe i është nënshtruar procesit të rekrutimit, pra testit me shkrim dhe intervistës para komisionit për vlerësim. Komisioni për vlerësim, pas përfundimit të procesit për rekrutim, ka vlerësuar se kandidati Alban Gërxhaliu, ka arritur numrin më të lartë të pikëve nga testi me shkrim dhe intervista, prandaj edhe është përzgjedhur si kandidati më i suksesshëm në procesin e rekrutimit”, thuhet në përgjigjen e BQK-së.

Në fund, Banka Qendrore e Kosovës ka bërë të ditur se në të tri proceset e rekrutimit të sipërpërmendura, BQK-ja nuk ka pranuar asnjë ankesë nga kandidatët që kanë qenë të përfshirë në proceset e konkurseve për të tri pozitat në fjalë.

Banka Qendrore është përdorur edhe nga parti të tjera në pushtet e opozitë për poste të rëndësishme, për të cilat KTV-ja do të raportojë gjatë javës.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Tahiri: Prej një kryeministri arrogant në uzurpim e keqqeverisje, në një kryeministër të pafuqishëm

Tahiri: Prej një kryeministri arrogant në uzurpim e keqqeverisje, në një kryeministër të pafuqishëm

19 raste me Covid-19 sot në Kosovë, 24 të shëruar

19 raste me Covid-19 sot në Kosovë, 24 të shëruar

Ndryshime në Kuvend: Rikthehet Ismet Beqiri, mbetet pa mandat Lumir Abdixhiku

Ndryshime në Kuvend: Rikthehet Ismet Beqiri, mbetet pa mandat Lumir Abdixhiku

Shifrat në rritje me COVID-19 nxisin përplasjet për datën e zgjedhjeve

Shifrat në rritje me COVID-19 nxisin përplasjet për datën e zgjedhjeve

​Dorëhiqet nënkryetari i Ferizajt

​Dorëhiqet nënkryetari i Ferizajt

Hoti para dy vitesh për Listën Serbe: Instrument i Beogradit, çdo qeveri e varur prej tyre është jo-stabile

Hoti para dy vitesh për Listën Serbe: Instrument i Beogradit, çdo qeveri e varur prej tyre është jo-stabile

Thaçi pas votimit të Qeverisë Hoti: Kurti të heq dorë nga barrikadimi në zyrën e uzurpuar

Thaçi pas votimit të Qeverisë Hoti: Kurti të heq dorë nga barrikadimi në zyrën e uzurpuar

Donika Kadaj: Qe pse nuk e votova Avdullah Hotin

Donika Kadaj: Qe pse nuk e votova Avdullah Hotin

Haxhi Shala pritet të aderoj në AAK

Haxhi Shala pritet të aderoj në AAK

Osmani: Familja ime politike asnjëherë as nuk ka qenë as nuk do të jetë Hashim Thaçi

Osmani: Familja ime politike asnjëherë as nuk ka qenë as nuk do të jetë Hashim Thaçi

Kjo është marrëveshja e plotë në mes të Listës Serbe dhe LDK’s (dokument)

Kjo është marrëveshja e plotë në mes të Listës Serbe dhe LDK’s (dokument)

Kuvendi voton qeverinë e re të Kosovës të drejtuar nga Avdullah Hoti i LDK-së

Kuvendi voton qeverinë e re të Kosovës të drejtuar nga Avdullah Hoti i LDK-së

Veseli: Kurti po ik prej vetes, ishte qyqar ndaj Serbisë dhe antiamerikan

Veseli: Kurti po ik prej vetes, ishte qyqar ndaj Serbisë dhe antiamerikan

Me votimin e Qeverisë Hoti, Mitrovica e Veriut shkon në zgjedhje

Me votimin e Qeverisë Hoti, Mitrovica e Veriut shkon në zgjedhje

Selimi para deputetëve: Kjo është Qeveri e Thaçit, qëllimet i keni të cekëta por të rrezikshme

Selimi para deputetëve: Kjo është Qeveri e Thaçit, qëllimet i keni të cekëta por të rrezikshme

LIVE – Hoti: Qeveria e re do t’i ketë dy prioritete; luftën kundër pandemisë dhe rimëkëmbjen ekonomike

LIVE – Hoti: Qeveria e re do t’i ketë dy prioritete; luftën kundër pandemisë dhe rimëkëmbjen ekonomike