Detroit Pistons i ka shkaktuar humbjen e nëntë kampionit në fuqi të NBA-së, Golden State Warriors.
Skuadra nga Konferenca e Lindjes ka triumfuar me nëntë pikë diferencë 111-102.
Blake Griffin ishte më meritori për këtë fitore të vendasve me 26 pikë, pesë kërcime e gjashtë asistime.
Me lojë të mirë u dallua edhe Johnson me 19 pikë, Jackson me 17 si dhe Andre Drummond që shtoi 16 pikë e 19 kërcime.
Në anën tjetër tek Warriors më i dalluari ishte Kevin Durant që shtoi 28 pikë, ndërsa Steph Curry shtoi 27 të tjera por që nuk mjaftuan për fitore.
We think you might like these. The highlights from the win over the Warriors.
It’s #Pistons Playback crafted by @Flagstar pic.twitter.com/oh8LbnRRtH
— Detroit Pistons (@DetroitPistons) December 2, 2018
Për Detroitin kjo ishte fitorja e 13 këtë edicion dhe zë vendin e katërt në Lindje, ndërsa për Golden State ishte humbja e nëntë që gjithashtu mban pozitën e katërt në Perëndim.
Lideri aktual i Konferencën së Lindjes, Toronto Raptors ka marrë edhe fitoren e 20-të këtë edicion.
Raptors kanë triumfuar pa problem në udhëtim tek Cleveland Cavaliers me 11 pikë diferencë 95:106.
Kawhi Leonard ishte më meritori për këtë triumf të Raptors me 34 pikë e nëntë kërcime, ndërsa lojë të mirë tregoi edhe Danny Green me 15 pikë e shtatë kërcime.
Tristian Thompson dhe Jordan Clarkson me nga 18 pikë ishin më efikasit tek vendasit. /Telegrafi/
Rezultatet:
New York City – Milwaukee Bucks 136:134
Detroit Pistons – Golden State Warriors 111:102
Washington Wizards – Brooklyn Nets 102:88
Cleveland Cavaliers – Toronto Raptors 95:106
Houston Rockets – Chicago Bulls 121:105
Minnesota Timberwolves – Boston Celtics 109:118
Sacramento Kings – Indiana Pacers 111:110
