Detajet e marrëveshjes mes Milanit, Chelseat dhe Juventusit për Higuain

E publikuar: 23/01/2019 01:17
Rreshtat+- AShkronjat+- Printo

Gonzalo Higuain do të fluturojë për në Londër, pasi Milan, Juventus dhe Chelsea kanë arritur marrëveshje.

Lajmin për mbylljen e marrëveshjes e jep Sky Sport Italia.

Marrëveshja u mbyll këtë mbrëmje (e martë), ku Higuain pritet të udhëtojë në mëngjesin e së mërkurës për në Londër në një linjë ajrore të rregullt në vend që të marrë një avion privat.

Nëse kontrata e Higuain regjistrohet të mërkurën, atëherë ai do të ketë të drejtë të luajë kundër Tottenhamit të enjten.

Gonzalo Higuain sa isht te AC Milani . (Photo by Marco Luzzani/Getty Images)

Megjithatë, duhet punë e madhe pasi duhet  të kryhen testet mjekësore dhe pastaj kontrata të regjistrohet.

Higuain ishte pjesë e një efekti ‘domino’, pasi Milani arriti marrëveshje me Genoan për 35 milionë eurosh për Krzysztof Piatekun.

Edhe ky do të jetë të mërkurën në mëngjes për teste mjekësore në Milan.

Gonzalo Higuain . (Photo by Alessandro Sabattini/Getty Images)

Milan do ta ndërpresë huazimin e Higuain nga Juventusi, duke paguar vetëm 9 milionë euro, nga 18 milionë sa duhet të paguante për një vit.

Mësohet që këtë shumë do të paguajë Chelsea, plus edhe pjesën e mbetur  të kartonit që është 36 milionë euro dhe që e posedon Juventusi. /Telegrafi/