Detaje të reja për takimin Merkel- Haradinaj në Berlin

31.05.2019 18:06
Rreshtat+- AShkronjat+- Printo
Detaje të reja për takimin Merkel- Haradinaj në Berlin

Dialogu ndërmjet Kosovës dhe Serbisë, do të jetë tema qendrore e takimit të 6 qershorit ndërmjet kancelares gjermane, Angela Merkel, dhe kryeministrit të Republikës së Kosovës, Ramush Haradinaj, që do të zhvillohet javën e ardhshme në Berlin. Në këtë takim Merkel dhe Haradinaj, do të shkëmbejnë ide të cilat ndërlidhen me vazhdimësinë e dialogut në Samitin e Parisit që do të mbahet me 1 korrik të këtij viti.

Kryeministri i Republikës së Kosovës, Ramush Haradinaj, javën që po vjen do të udhëtojë për në Gjermani, ku do të takohet me 6 qershor në Berlin me kancelaren gjermane, Angela Merkel.

Në një përgjigje ekskluzive për Gazetën Express nga zyra e kancelares gjermane, kanë treguar se Merkel do të takohet me Haradinajn në orën 11:00 të enjten e javës që po vjen në objektin e Kancelarisë Federale.

“Të enjten në orën 11:00, kancelarja do të mirëpresë kryeministrin e Republikës së Kosovës, Ramush Haradinajn, në Kancelarinë Federale”, ka thënë për Express, zëdhënësja e Qeverisë Gjermane, Martina Fietz.

Tema kryesore e këtij takimi do të jetë dialogu ndërmjet Kosovës dhe Serbisë, ndërkohë do të diskutohet edhe për raportet dypalëshe Kosovë-Gjermani.

“Ky takim pune do të përqendrohet në raportet dypalëshe dhe çështjet e politikës së jashtme, në veçanti për raportet mes Serbisë dhe Kosovës”, ka shtuar ajo.

Ndërkohë Fietz për Gazetën Express ka treguar se pas këtij takimi, nuk është planifikuar që Merkel dhe Haradinaj të flasin para gazetarëve.

“Do të ketë vetëm një paraqitje sa për fotografi, por konferencë për media nuk është planifikuar”, ka shtuar ajo.

Ajo ka thënë se ky takim në Berlin do të jetë një mundësi e mirë për të shkëmbyer idetë, në prag të Samitit të Parisit.

E pyetur rreth zhvillimeve në veri të Kosovës dhe kërcënimeve të Vuçiqit, zëdhënësja e Merkelit ka thënë se janë në dijeni për ngjarjet e fundit, duke bërë thirrje drejt Serbisë dhe Kosovës që të ruajnë qetësinë dhe të punojnë që situata të mos eskalojë.

“Më lejoni t’iu them se po ndjekim nga afër ngjarjet në Kosovë dhe reagimet në Serbi. Dhe ambasadori gjerman në Prishtinë është në kontakt të vazhdueshëm me qeverinë Kosovës dhe me prezencën ndërkombëtare qe kemi atje. Ne presim që qeveritë e dy vendeve, Kosovës dhe Serbisë të punojnë drejt moderimit, dhe de-eskalimit të situatës. Ky është pozicioni ynë aktual lidhur me këtë çështje”, ka thënë ajo.

Ky takim ndërmjet kryeministrit Haradinaj dhe kancelares Merkel, vjen pas Samitit të Berlinit, që u mbajt në fund të muajit Prill, në të cilin Prishtina dhe Beogrdi u pajtuan për të vazhduar në Francë përpjekjet për të rinisur dialogun.

Samiti në Paris do të vazhdojë pa idenë e korrigjimi të kufijve në tavolinë, pasi një nismë e tillë për lëvizjen e kufijve në Ballkan u shua në Berlin./GazetaExpress/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Deda: Qeverinë mund ta rrëzonim në qershor, po presim zgjedhjet në LDK

Deda: Qeverinë mund ta rrëzonim në qershor, po presim zgjedhjet në LDK

Policia me masa shtesë gjatë sezonit veror

Policia me masa shtesë gjatë sezonit veror

Kryeministri Haradinaj ka një apel të rëndësishëm për bashkatdhetarët

Kryeministri Haradinaj ka një apel të rëndësishëm për bashkatdhetarët

Shqipëria – 25 mijë euro për Bujanocin, Serbia 40 milionë për serbët e Kosovës

Shqipëria – 25 mijë euro për Bujanocin, Serbia 40 milionë për serbët e Kosovës

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

A do të mbahet ‘Beer Fest-i’ i radhës në Prishtinë?

A do të mbahet ‘Beer Fest-i’ i radhës në Prishtinë?

Veseli dorëzon kërkesën për themelimin e Komisionit që heton Listat e Veteranëve

Veseli dorëzon kërkesën për themelimin e Komisionit që heton Listat e Veteranëve

Haradinaj i reagon Zaevit: Askush s’do ta ndajë Kosovën

Haradinaj i reagon Zaevit: Askush s’do ta ndajë Kosovën

Lajmi i fundit: Naim Malokun e kontakton Gjykata Speciale

Lajmi i fundit: Naim Malokun e kontakton Gjykata Speciale

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Adoleshenti amerikan dënohet me burgim të përjetshëm, ia kishte hequr kokën shokut të vet

Adoleshenti amerikan dënohet me burgim të përjetshëm, ia kishte hequr kokën shokut të vet

Miliarderi amerikan akuzohet për trafikim vajzash

Miliarderi amerikan akuzohet për trafikim vajzash

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Ministri i Jashtëm i Bosnjës, taksën nga Kosova e konsideron goditje të rëndë

Ministri i Jashtëm i Bosnjës, taksën nga Kosova e konsideron goditje të rëndë

Ambasada amerikane në Beograd kërkon ndriçimin e vrasjes së vëllezërve Bytyçi

Ambasada amerikane në Beograd kërkon ndriçimin e vrasjes së vëllezërve Bytyçi