Ramush Haradinaj do të gjykohet në Hagë për veprat e pretenduara të kryera pas shtatorit të vitit 1998.
Kështu po pretendon Dragoljub Stankonviq, i cili është në listën e viktimave që do të dëshmojnë në Speciale në Hagë, shkruan lajmi.net.
Ai për gazetën “Politika”, ka thënë se Serbia ka prova të mjaftueshme që sipas tij do të dëshmojnë fajësinë e Haradinajt.
Sipas tij, verdikti i mëparshëm i Gjykatës së Hagës për Haradinajn kishte të bënte me periudhat nga 1 marsi e deri më 30 shtator të 1998-tës, dhe kësisoj Specialja do të merret me periudhën pas kësaj date.
Siç pretentojnë në Beograd, Haradinaj do të gjykohet jo vetëm për veprat ndaj serbëve, por edhe ndaj shqiptarëve.
Haradinaj u ftua nga Specialja të dëshmojë në cilësinë e të dyshuarit.
Sidoqoftë, në Hagë Haradinaj zgjodhi të mbrohet në heshtje.
Paraprakisht, Haradinaj kishte dhënë dorëheqje nga posti i kryeministrit, gjë që më pas u përcoll edhe me shpërndarjen e Kuvendit.
