Një ligjvënës slloven ka dhënë dorëheqje të enjte, sepse kishte “vjedhur” një sandviç në një supermarket.

Sipas mediave të huaja, përcjell Telegrafi, Darij Krajcic, ka dhënë dorëheqjen vetëm disa orë pasi shokëve u kishte thënë se ai bëri një “eksperiment social”, duke dalë pa paguar në një dyqan në afërsi të parlamentit slloven, në të cilën ai “bleu” një sandviç.

Krajcic, 54 vjeç, tha se ai u largua nga parlamenti për të blerë një sandviç dhe priti disa minuta ndërsa tre shitësit folën pa i kushtuar vëmendje atij.

“Dola dhe askush nuk erdhi pas meje, askush ma bëri të ditur”, ka kthënë Krajic, duke shtuar se kjo ishte hera e parë që bëri një gjë të tillë.

Duke folur për gazetarët sot, një deputet tjetër ka thënë se Brane Goluboviç tha se veprim i Krajcic ishte “i papranueshëm, kështu që ai mori përgjegjësinë për të dhe dha dorëheqjen”.

Goluboviç tha se Krajcic, i cili u tha të ishte një ekspert dhe një njeri i mirë, u pendua për incidentin dhe kërkoi falje për të.

Mediat shkruajnë se Krajcic nuk mori pjesë në konferencën e sotme të shtypit, por në një deklaratë më parë, ai ka thënë se i vjen keq për incidentin, të cilin ai tha se nuk ishte vjedhje, por një “eksperiment social”.

Gjithsesi, bëhet e ditur se më vonë ai është kthyer dhe ka paguar sandviçin. /Telegrafi/