Kryetari i Grupit Parlamentar të LDK- së z. Avdullah Hoti së bashku me deputeten Vjosa Osmani , pritën në takim një delegacion të Bundestagut gjerman të kryesuar nga deputeti Manuel Sarrazi.
Në takim u diskutua lidhur me situatën e përgjithshme në vend, me theks të veçantë për funksionimin e Kuvendit të Kosovës si dhe për proceset e rëndësishme politike nëpër të cilat po kalon vendi, thuhet në komunikaten për meida.
Gjatë këtij takimi, z. Hoti falënderoi z. Sarrazi për mbështetjen e deritanishëm të Bundestagut Gjerman si dhe për përpjekjen e vazhdueshme të Gjermanisë për ta ndihmuar vendin në procesin e integrimit evropian.
Ndërkaq z. Sarrazi vlerësoi lartë kontributin e Lidhjes Demokratike të Kosovës gjatë gjithë procesit të shtet ndërtimit si dhe konfirmoi mbështetjen e Bundestagut por edhe të Gjermanisë për proceset e ardhshme që e presin vendin./Infosot/
