Një skenar interesant ka ndodhur gjatë duelit mes Italisë dhe Suedisë e vlefshme për kualifikim në Botërorin, Rusia 2018.

Italia nuk arriti kualifikimin për shkak të një barazimi pa gola në San Siro.

Përkundër sulmeve, i shumë kritikuari përzgjedhësi, Giampiero Ventura, la në stol nga fillimi i takimit yllin e Napolit, Lorenzo Insigne.

Dhe, kur De Rossit ju kërkua nga trajneri që të nxehej, ai refuzoi ta bënte këtë.

Sipas tij ekipi kishte nevojë të fitonte dhe jo të barazonte, e bëri me gisht në drejtim të Insignes duke kërkuar inkuadrimin e tij.

“Pse duhet të hy unë në lojë? Ne nuk kemi nevojë për barazim, por për fitore”, tha De Rossi në drejtim të trajnerit duke bërë me gisht në drejtim të Insignes.

Ndryshe, në lojë nuk u inkuadrua Insigne, por El Shaarawy, Bernardeschi dhe Belotti, të cilët dështuan të bëjnë diferencën.

Italia mbetet për herë të parë pas vitit 1958 jashtë një kampionati botëror. /Telegrafi/

#DeRossi: “Qué cojones sacas a mi? No tenemos que empatar, tenemos que ganar!” y indica a Insigne #ItaliaSuecia pic.twitter.com/8Mvc67YzGh

— Valerio Curcio (@ValerioCurcio) November 13, 2017