Një 27 vjeçare që u martua me një burrë 23 vjet më të madh, e ka përkufizuar lidhjen e tyre si “dashuri me shikim të parë”. Ndërkohë nga krahu tjetër njerëzit pretendojnë se ajo është e dashuruar me “pasurinë” e tij.
Në mars të vitit 2019, Sarai Serface, 27 vjeç, nga Boulder i SHBA-ve, sapo ishte zhvendosur për të jetuar në Denver, kur vendosi të provonte aplikacionin e takimit “Bumble”, për t’u njohur me dikë. Ajo, vendosi që të zgjerojë rrezen e preferencave dhe shumë shpejt ra në kontakt me Joel, 50 vjeç, i cili jetonte vetëm 30 minuta larg saj.
Afeksioni i tyre arriti shpejt, vetëm pas dy ditësh mesazhe të zgjatura në rrjete sociale dhe biseda telefonike, vendosën që të lidheshin. Dhe që nga ajo kohë deri më tani ata nuk janë ndarë për asnjë moment nga njëri-tjetri. Vetëm një muaj pasi ishin njohur, teksa darkonin, Joel e propozon për martesë Sarai dhe kjo e fundit pranoi menjëherë. Dhe kështu në 22 shkurt të këtij viti ato e kurorëzuan dashurinë e tyre në martesë, në një festë luksoze në Ocho Rios të Xhamajkas.
“Ishte dashuri me shikim të parë, u shfaq një tërheqje brenda meje që unë as nuk e dija që ekzistonte para se të njihja Joel. Është e vështirë të shpjegohet, por unë u hutova tërësisht”, tha Sarai.
Më tej ajo shtoi:
“Kur folëm për herë të parë përmes telefonit, unë u mahnita nga artikulimi dhe gatishmëria e tij. Ajo që më tërhoqi tek ai ishte pjekuria, qëndrueshmëria, uria për aventurë dhe simpatia. Fizikisht, e gjeta veten jashtëzakonisht të tërhequr nga të gjithë karakteristikat e tij”.
Ndërkaq, Sarai pranoi se njerëzit supozojnë se ai e paguan atë për seks, dhe të huajt e pyesin shpesh Joel nëse ajo është “eksorta” e tij. Pavarësisht paragjykimeve, Sarai pretendon se dashuria e tyre është e fortë dhe do të zgjasë përjetë.
“Më tronditi vërtet kur dikush në rrugë e pyeti Joelin sa pagoi për mua. Dikush tjetër ka pyetur se nga ku më bleu Joeli. Ndonjëherë kur dalim, njerëzit pyesin nëse ai më ka rrëmbyer. Ka patur dhe nga ato persona që na afroheshin dhe na thonin: “Ju lutem më thoni që jemi babi dhe vajza dhe jo çift”, u shpreh 27 vjeçarja.
/tch/
