Mbrojtësi brazilian, Dani Alves, ka deklaruar se ai do të rikthehej që nesër te Barcelona nëse gjiganti katalunas do ta kontaktonte atë.

Braziliani u largua nga Barcelona për të kaluar te kampioni i Italisë, Juventusi në vitin 2016, pasi fitoi plot 23 tituj në Camp Nou.

Alves ju bashkua superfuqisë së Ligue 1, PSG, në vitin 2017 dhe 34 vjeçari refuzoi që të hedhë poshtë një rikthim te Barcelona, përkundër rrethanave prapa largimit të tij.

“Barcelona është shtëpia ime. Është e pamundur të them se nuk do të kthehesha”.

“Unë do të kthehesha që nesër nëse Barca do të më telefononte”, u shpreh Alves.

Dani Alves në fanellën e Barcelonës

“U largova me dhimbje nga Barcelona sepse kam luftuar shumë për të krijuar atë histori atje. Jam larguar me 23 tituj në tetë vjet”.

“Ata kanë dashur që të organizojnë një lamtumirë solemne për mua dhe unë refuzova, sepse e konsideroj atë si një shtëpi të përjetshme dhe kur një vend konsiderohet si shtëpi për ju, s’keni nevojë që të thuani ‘lamtumirë’”.

“Cila është poenta e lamtumirës nëse mendon të rikthehesh?”, u shpreh Alves për Globo Tv. /Telegrafi/