City dhe Roma i bashkohen skuadrave tjera të mëdha në garë për Caglar Soyuncun

E publikuar: 07/04/2018 12:09
Rreshtat+- AShkronjat+- Printo

Caglar Soyuncu është bërë njëri nga mbrojtësit më të kërkuar në Evropë.

Mbrojtësi turk ka pasur paraqitje të jashtëzakonshme me Freiburgun në dy edicionet e fundit.

Shkëlqimi i tij në Bundesliga ka bërë që edhe vlera e tij të rritet dukshëm.

Së fundmi garës për transferimin e tij iu kanë bashkuar edhe dy skuadra tjera të mëdha si Manchester City dhe Roma.

Mediat gjermane kanë raportuar se dy skuadrat e lartpërmendura kanë dërguar agjentët e tyre për ta parë nga afër turkun.

21-vjeçari falë formës së mirë me klubin e Freiburgut ka zënë vend edhe në Kombëtaren e Turqisë.

Kontrata e tij aktuale me klubin gjerman skadon në verën e vitit 2021, ndërsa Freiburgu po e vlerëson yllin e tyre rreth 40 milionë euro.

Gjithsesi përveç Cityt dhe Romës, në garë për lojtarin janë edhe Liverpool, Arsenal, Chelsea dhe Manchester United. /Telegrafi/