Chelsea e ka zbuluar aksidentalisht në ueb faqen e vet se është duke nënshkruar me të huazuarin nga Real Madridi, Mateo Kovacic.
Disa tifozë të skuadrës londineze kanë arritur t’i kapin disa pamje nga ueb faqja e klubit të tyre se po ndodh transferimi i kroatit në Stamford Bridge.
Sipas Telegraph Sport, mesfushori do t’u bashkohet Bluve për shumën prej 47 milionë eurosh, e që do të bëhet kroati më i shtrenjtë në histori.
Lol, it’s true. Chelsea app confirmed Kovacic before it was announced 😂 pic.twitter.com/duRw8R8ItJ
— KanteNation (@sethaadusei) June 29, 2019
Zinedine Zidane ka hequr dorë nga shërbimet e 25-vjeçarit , derisa ai po e kompleton siç duket transferimin te Chelsea në këtë afat kalimtar.
Me largimin e mesfushorit kroat, Real Madridi do të ketë hapësirë edhe për një transferim, ndërsa në listën e tyre janë Paul Pogba dhe Christian Eriksen.
Kovacic kaloi si i huazuar në sezonin që lamë pas te skuadra londineze, duke bërë disa paraqitje të mira, për t’i bindur kështu anëtarët e bordit të klubit anglez që ta transferojnë.
Chelsea do të ketë hapësirë që ta realizojë këtë transferim deri më 1 korrik, pasi dënimi i FIFA-s hyn atëherë në fuqi dhe nuk do të ketë më të drejtë të bëjë transferime të tjera. /Telegrafi/
