Situatë e çuditshme u tregua sot (e shtunë) te Chelsea nga fakti që Antonio Conte ishte në stërvitjet para-sezonale, por asnjëherë nuk u përmend apo nuk u pa në faqen zyrtare të klubit.
Skuadra nga Stamford Bridge është e vendosur për të larguar Conten dhe për të sjellë në skuadër italianin tjetër, Maurizio Sarri.
Por, Blutë së pari duhet të sigurojnë që trajneri italian ka ndërprerë kontratën e tij me pëlqimin e ndërsjellë me Napolin.
Ndërkohë, lojtarët e Chelsea filluan trajnimin para sezonit në Cobham sot (e shtunë) dhe faqja e klubit postoi një galeri të fotografive nga sesioni stërvitor.
Back to work! 👊 pic.twitter.com/bqoHkQerPb
— Chelsea FC (@ChelseaFC) July 7, 2018
E dukshme ishte mungesa e Contes, edhe pse gazetarët në vend sigurojnë se ai ishte i pranishëm së bashku me stafin e tij.
Our non-World Cup players returned to Cobham this morning as pre-season got underway…
Great to see you back, lads! 👍https://t.co/RZOPpLGBl0
— Chelsea FC (@ChelseaFC) July 7, 2018
Deri tani, janë vetëm 11 lojtarë të pranishëm dhe ata stërvitën me një vrapim të lehtë në ditën e parë.
Në anën tjetër, Calciomercato.it janë të bindur se Chelsea do të njoftojë largimin e Contes dhe ardhjen e Sarrit gjatë ditës së hënë. /Telegrafi/
