Cana: Sfida e Vëllaznimit nuk është rikthimi në Superligë, por krijimi i bazave të qëndrueshme

E publikuar: 22/01/2019 08:27
Rreshtat+- AShkronjat+- Printo

Legjenda shqiptare e futbollit, Lorik Cana në një intervistë për RTV Dukagjinin ka folur për klubin që babai i tij e udhëheq tash e disa muaj.

Cana ka thënë se po mundohet në çdo mënyrë të ndihmojë klubin e Vëllaznimit, i cili për momentin bën gara në Ligën e Parë të Kosovës.

“Nevojat e klubit të Vllaznimit janë të shumta…Qëllimi është të mbrohet klubi nga falimentimi”.

“Babi ka dëshirë të madhe të kontribuoj për klubin e Vëllaznimit, sepse nuk ke të bësh vetëm me atë si klub, por ke të bësh me trashëgiminë kulturore në sensin sportive”, tha Cana.

Sipas ish-reprezentuesit shqiptar., sfida e vërtet e Vëllaznimit dhe kryetarit të saj nuk është se a do të arrijë të futet në Superligë, por krijimi i një akademie që më pas do të rekrutonte qindra fëmijë nga Gjakova dhe rrethinat. Këto objektiva patjetër do të arriheshin më lehtë nëse klubi kthehet në Super Ligë”, shtoi ai.

Cana thotë se futbolli në Kosovë po përballet me sfida, por pozitive është se ka talente të mëdha dhe së shpejti do t’i korrim sukseset e tyre.

Ndryshe, Loriku është pensionuar prej futbollit aktiv në vitin 2016 gjersa më parë ka luajtur në PSG, Marseille, Lazio, Sunderland dhe Galatasaray. /Telegrafi/