Bunjaku: Pa LDK-në nuk ka Kosovë, të gjithë kanë dëshirë të jenë në koalicion me neve

E publikuar: 06/01/2021 17:58
Rreshtat+- AShkronjat+- Printo

Deputetja e LDK-së, Valentina Bunjaku, ka thënë se vendimi i Gjykatës Kushtetuese për shkuarjen në zgjedhje të reja është i pranueshëm për ta.Ajo ka thënë se ky subjekt politik është i gatshëm për këtë proces, njofton Klan Kosova.“LDK është e gatshme të mbajë zgjedhje dhe është me qytetarët. Nuk u takojmë vetëm në zgjedhje atyre, por në vazhdimësi kemi kontakt me elektoratin dhe strukturat tona. LDK do t’i kërkojë falje qytetarëve aty ku kemi gabuar. Ata që besojnë në LDK, do të vazhdojnë të besojnë. Secila parti edhe lider kur punon edhe gabon”.“Nëse kemi gabuar diku do të kërkojmë falje. Pa LDK nuk ka Kosovë, arsim, shtet të zhvilluar, shëndetësi… LDK ka qenë gardian i shtetit të Kosovës”.Sa për marrëveshjet e mundshme parazgjedhore me partitë tjera, në veçanti ajo e paralajmëruara me LDK-në, Bunjaku është shprehur: “Zyrtarisht nuk kam informacion. Për koalicione është kryetari i LDK dhe struktura që vendos. E di se të gjitha partitë kanë dëshirë të jenë në koalicion me LDK-në sepse ka njerëz që mbajnë fjalën dhe që duan shtetin”.