Brazili u kualifikua nga faza e grupeve të Kupës së Amerikës si fitues i Grupit A, pasi e turpëroi Perunë me rezultat 5:0 në ndeshjen e fundit të kësaj faze.
Kombëtares së Brazilit i duhej fitorja në ndeshjen kundër Perusë për ta zënë vendin e parë në Grupin A – ku garuan edhe Venezuela, Peru dhe Bolivia – dhe djemtë e Tites e bënë pikërisht këtë gjë.
Golat për Brazilin i shënuan Casemiro (12’), Roberto Firmino (19’), Everton Soares (32’), Dani Alves (53’) dhe Ëillian (90’).
Rezultati në këtë ndeshje mund të kishte qenë edhe më i thellë, mirëpo Gabriel Jesus e humbi penalltinë e akorduar në minutat e fundit të ndeshjes. Portieri Pedro Gallese, i cili gjatë ndeshjes i bëri disa gabime, e priti goditjen e tij.
Tani, Brazili do të garojë në fazën e 1/8 të finales së Kupës së Amerikës, e cila këtë edicion po zhvillohet pikërisht në Brazil.
Megjithatë, Kombëtares “Selecao” do t’i mungojë edhe më tutje ylli i skuadrës, Neymar, i cili pësoi lëndim të rëndë në fazën përgatitore për Kupën e Amerikës.
