Blushi ikën nga PS. Letra për socialistët, pas debatit për mbetjet (Video)

30.09.2016 19:41
Rreshtat+- AShkronjat+- Printo

Ben Blushi vendosi të ndahet edhe zyrtarisht nga Partia Socialiste, pjesë e së cilës ishte prej gati 20 vitesh. Dhe këtë e bëri me një letër publike, nëpërmjet së cilës zbulon pikën që derdhi gotën: Shkelja e premtimit elektoral dhe lejimi i importit të mbetjeve nga kryeministri Rama.

Në letrën e Blushit ato quhen plehra, Partia Socialiste është zëvendësuar me emrin “Rilindja” dhe e gjithë politika, ku Blushi bën pjesë prej 20 vitesh, përkufizohet si një kazan.

“Në kazanin e mbetjeve parlamentare, në të vërtetë fshihet kalbja e demokracisë sonë të ndotur”, shkruan Blushi.

Blushi ka arritur në këtë përfundim, duke analizuar qëndrimin e 3 partive kryesore për ligjin e mbetjeve gjatë 6 viteve të fundit, i cili ka ndryshuar pro lejimit të importit sa herë kanë qenë në pushtet.

“Nisur nga ky shembull, atë që ne e quajmë Parlament, çdo popull i botës do ta quante çmendinë të pakthyeshme. Ose të pariciklueshme për asnjë arsye”, shkruan më tej Blushi.

Por ajo çfarë nuk thuhet në letrën e Ben Blushit është se historia për lejimin e importit të mbetjeve në Shqipëri nuk është e këtyre 6 viteve të fundit.

Ajo nis në vitin 2004, kur Ben Blushi bashkë me dy ministra të tjerë të qeverisë “Nano” firmosën një memorandum, që i hapte rrugën qeverisë të negocionte një marrëveshje koncesionare me një kompani të Francesco Becchettit, për të importuar mbetje nga Italia dhe për t’i djegur në Shqipëri nëpërmjet një impianti i parashikuar për t’u ngritur në Kashar.

Atëherë, Ben Blushi ishte në studiot televizive jo për të kundërshtuar importin, por për të shpjeguar negociatat për termat e koncesionit.

“Do të shihen edhe termat e marrëveshjes apo të importit, në rast se lejohet, sepse tani nuk lejohet, të cilat ndoshta rrezikojnë shëndetin e publikut”, thoshte dikur Blushi për televizionin Klan.

Marrëveshja koncesionare e firmosur edhe nga ministri i atëhershëm Ben Blushi nuk u finalizua dhe u kundërshtua me protesta nga shoqëria civile dhe opozitës së atëhershme.

Por tani, pas 12 vitesh, në letrën publike të largimit nga Partia Socialiste, Ben Blushi ka zgjedhur të sulmojë më shumë Partinë Demorkatike, së cilës jo vetëm nuk i njeh si akt ndjesën dhe pendesën, por e akuzon se po bën të njëjtën lojë me Edi Ramën dhe se, duke qenë partia e pakicës, po përpiqet të dështojë referendumin.

“Kjo është mënyra më e poshtër për të sabotuar një kauzë dhe natyrisht Partia Demokratike nuk ka nevojë të mendohet për të nxjerrë qeset e përdorura të hileve nga kazani i vet i ndryshkur”, shkruan Blushi në letër.

Ben Blushi e quan të gjithën, kazani i mbetjeve të 3 partive parlamentare.

“Prej tij nuk do të dalë kurrë më, asnjë gjë e pastër. Ai mund të riciklohet, por asnjëherë nuk do të pastrohet. Prandaj kam vendosur të dal përfundimisht që aty, për të kuptuar atë që shumë njerëz e dinin para meje: në Shqipëri duhen pastruar partitë që të pastrohen kazanët”, shkruhet gjithashtu në letër.

Në letrën e hapur, Blushi ka lënë të hapur pyetjet, nëse do ta dorëzojë edhe mandatin e deputetit pas qëndrimit 20-vjeçar në politikë, a do të krijojë një parti të re, apo do të tërhiqet nga jeta politike.

/ Top Channel

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Ndërron jetë veprimtari i çështjes kombëtare Nazmi Llapashtica – Lali

Ndërron jetë veprimtari i çështjes kombëtare Nazmi Llapashtica – Lali

Haskuka lë në komunë drejtorin e dënuar për dy vepra penale

Haskuka lë në komunë drejtorin e dënuar për dy vepra penale

Daçiq: BE-ja nuk mund të vendosë si kusht njohjen Kosovës, për pranimin e Serbisë në BE

Daçiq: BE-ja nuk mund të vendosë si kusht njohjen Kosovës, për pranimin e Serbisë në BE

Veseli: Për mua dhe Thaçin, Mitrovica është e shenjtë

Veseli: Për mua dhe Thaçin, Mitrovica është e shenjtë

Vazhdon të rritet numri i veteranëve që po marrin pensione

Vazhdon të rritet numri i veteranëve që po marrin pensione

Banorët kundër varrezave të Velanisë

Banorët kundër varrezave të Velanisë

Thaçi: Majlinda, Nora, Distria dhe sportistët tanë janë krenaria e Kosovës

Thaçi: Majlinda, Nora, Distria dhe sportistët tanë janë krenaria e Kosovës

PSD: Hipokrizia manipuluese dhe viktimizuese e Vetëvendosjes së etur për pushtet

PSD: Hipokrizia manipuluese dhe viktimizuese e Vetëvendosjes së etur për pushtet

Dialogu, cilat janë vijat e kuqe?

Dialogu, cilat janë vijat e kuqe?

Rrëfimi i dhimbshëm i kosovarit që u dëbua nga Zvicra pas 20 vitesh

Rrëfimi i dhimbshëm i kosovarit që u dëbua nga Zvicra pas 20 vitesh

Nga Skenderaj, Limaj kërkon mobilizim dhe fuqizim

Nga Skenderaj, Limaj kërkon mobilizim dhe fuqizim

Gati për të marrë përgjegjësitë në INTERPOL

Gati për të marrë përgjegjësitë në INTERPOL

Mustafa përkujton Ukë Bytyqin

Mustafa përkujton Ukë Bytyqin

Britanikët propozojnë Naim Gashin për drejtor të Agjencisë së Akreditimit

Britanikët propozojnë Naim Gashin për drejtor të Agjencisë së Akreditimit

Vetëvendosje akuzon Partinë e Shpend Ahmetit se është vu në shërbim të Kadri Veselit dhe Goran Rakiqit

Vetëvendosje akuzon Partinë e Shpend Ahmetit se është vu në shërbim të Kadri Veselit dhe Goran Rakiqit

Ministri Shala premton përkrahjen e prodhuesve vendor, kërkon rritjen e cilësisë

Ministri Shala premton përkrahjen e prodhuesve vendor, kërkon rritjen e cilësisë