Pas 3.7 miliardë dollarëve të shpenzuara nga pajisjet desktop dhe ato mobile, E Premtja e Zezë është drejt një tjetër rekordi këtë vit.

Adobe i cili gjurmon trilionë transaksione, tha se mëngjesin e së Premten janë shpenzuar 643 milion dollarë online.

Një ditë më parë, pikërisht për Ditën e Falënderimeve, kompania kishte regjistruar në mëngjes 406 milion dollarë.

Vitin e kaluar gjatë gjithë ditës përdoruesit shpenzuan për të Premten e Zezë plot 5.03 miliardë dollarë online

Adobe parashikon që këtë vit kjo shifër të shkojë në 6.4 miliardë dollarë.

Sakaq gjatë gjithë muajit janë shpenzuar 38 miliardë dollarë online, një rritje me 18.5% krahasuar me një vit më parë. /PCWorld Albanian