Bie numri i punonjësve që përdorin kompjuter në biznese

29.05.2019 00:24
Rreshtat+- AShkronjat+- Printo
Bie numri i punonjësve që përdorin kompjuter në biznese

Punësimi shënoi rritje në vitin 2018, por numri i atyre që kanë përdorur kompjuter për qëllime pune pësoi rënie vitin e kaluar. Punonjësit që kanë përdorur kompjuter për qëllime pune përbëjnë 26,0 % të të punësuarve gjithsej të ndërmarrjeve, nga 28,1% që ishte në 2017. Përqindja më e ulët e punonjësve që përdorin kompjuter vërehet në aktivitetin e industrisë përpunuese me 7,2% dhe në aktivitetin e ndërtimit me 15,0%.

Gjatë vitit 2018, përqindja e ndërmarrjeve të cilat kanë specialistë të fushës së teknologjisë së informacionit dhe komunikimit është 22,9%, nga 22,4% që ishte në vitin 2017.

Kompjuterët janë përdorur në një masë më të madhe nga punonjësit e ndërmarrjeve që kanë aktivitet në fushën e informacionit dhe komunikacionit me 73,9%, aktivitetet profesionale, shkencore dhe teknike me 68,6% dhe aktivitetet e riparimit të kompjuterëve, artikujve personalë dhe familjarë me 65,2%.

Nga ndërmarrjet që përdorin kompjuter, në vitin 2018, 97,5% e tyre kanë akses në internet, ndërsa në vendet anëtare të BE-së ky tregues është mesatarisht 97,0%. Në vitin 2018, ndërmarrjet me 250+ punonjës përdorin 100% kompjuter me akses në internet.

Në vitin 2018, në 95,3% të ndërmarrjeve, lidhja në internet ka qenë e tipit DSL ose të tjera broadband, nga 88,4% që ishte në vitin 2017.

Në vitin 2018, numri i ndërmarrjeve me shpejtësinë e shkarkimit të informacionit më të lartë se 10 Mbit/s është 56,3% nga 45,8% që ishte në vitin 2017. Në vitin 2018, ndërmarrjet që kanë pasur faqe interneti janë 44,9 % e ndërmarrjeve që përdorin kompjuter me akses në internet nga 47,3 % që ishte në vitin 2017. Në vitin 2018, në 80,4% të ndërmarrjeve, faqja e internetit është përdorur për të shfaqur katalogët e produkteve ose çmimet e tyre nga 71,3% që ishte në vitin 2017.

Në vitin 2018, 5,7% e ndërmarrjeve kanë shitur produkte/shërbime nëpërmjet faqes së internetit apo aplikacioneve të dedikuara, nga 7,7% që ishte vitin e kaluar. Peshën më të madhe të tregtisë elektronike e zënë ndërmarrjet që ushtrojnë aktivitet në fushën e informacionit dhe komunikacionit me 23,6 %, ndjekur nga riparimi i kompjuterëve, artikujve personalë e familjarë me 20,0% dhe shërbimet administrative dhe mbështetëse me 13,0%.

Shërbimet cloud, të cilat u referohen shërbimeve që përdoren në internet për të aksesuar programe kompjuterike, kapacitete ruajtëse, etj., janë përdorur nga 10,7% e ndërmarrjeve për vitin 2018. Në vitin 2018, ndarja automatike e informacionit brenda ndërmarrjes është përdorur nga 38,3% e ndërmarrjeve.

Aplikimi i software për menaxhimin e marrëdhënieve me klientët (CRM) është përdorur nga 22,8% e ndërmarrjeve gjatë vitit 2018. Informacioni elektronik për zinxhirët e informacionit i cili i referohet dërgimit/marrjes së të gjithë informacionit mbi vargun e furnizimit (p.sh. nivelet e inventarit, planet e prodhimit, parashikimet, ecuria e dërgimit) nëpërmjet rrjeteve kompjuterike ose faqeve të internetit, është përdorur nga 12,6 % e ndërmarrjeve në vitin 2018.

Në vitin 2018, media sociale (Facebook, Linkedln, Twitter, YouTube, etj.) është përdorur nga 52,4% e ndërmarrjeve që përdorin kompjuter me akses në internet, nga 46,8% që ishte në vitin 2017. Gjatë 2018, në 80,0% të ndërmarrjeve, rrjetet socialet janë përdorur për të përmirësuar imazhin e ndërmarrjes ose të tregut të produkteve (p.sh. për reklamë, për hedhjen në treg të një produkti të ri, etj.) nga 79,6% që ishte në vitin 2017, 25,4% e ndërmarrjeve e kanë përdorur median sociale për të shkëmbyer mendime, opinione apo njohuri brenda ndërmarrjes nga 20,0% që ishte në vitin 2017. /Monitor

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Efektet e lëngut të patates

Efektet e lëngut të patates

Operacionet plastike, jo çdo herë shkojnë mirë

Operacionet plastike, jo çdo herë shkojnë mirë

Gjykata në Gjermani: Volkswagen të dëmshpërblejë klientët

Gjykata në Gjermani: Volkswagen të dëmshpërblejë klientët

Mungesa e vitaminës D/ Si ndikon për diabetin, ja ushqimet ku gjendet

Mungesa e vitaminës D/ Si ndikon për diabetin, ja ushqimet ku gjendet

Capital T rrëmben vëmendjen në rrjete sociale, zhvishet për të treguar muskujt

Capital T rrëmben vëmendjen në rrjete sociale, zhvishet për të treguar muskujt

Aulas: Idiotët vendosën ndërprerjen e kampionatit, ndaj Juves me “këmbë të lidhura”

Aulas: Idiotët vendosën ndërprerjen e kampionatit, ndaj Juves me “këmbë të lidhura”

16 gjërat idiote për të cilat gratë shpenzojnë para (Foto)

16 gjërat idiote për të cilat gratë shpenzojnë para (Foto)

Trejsi Sejdini reagon për videon erotike që po çmend rrjetin (FOTOT)

Trejsi Sejdini reagon për videon erotike që po çmend rrjetin (FOTOT)

Befason tenisti i famshëm: Bëj seks çdo javë me tifozet mia

Befason tenisti i famshëm: Bëj seks çdo javë me tifozet mia

Përdhunoi shqiptaren për 48 orë/  Arrestohet ‘dragoi i Kavos’, rezistencë me armë ndaj policisë

Përdhunoi shqiptaren për 48 orë/ Arrestohet ‘dragoi i Kavos’, rezistencë me armë ndaj policisë

Federata Franceze vendos: Ligue 1 nis më 22 gusht

Federata Franceze vendos: Ligue 1 nis më 22 gusht

Nxënësi i klasës së parë në Fushë Kosovë, i dedikon mësueses një video emocionuese

Nxënësi i klasës së parë në Fushë Kosovë, i dedikon mësueses një video emocionuese

Hekurani me një projekt shumë të veçantë, sjell duetin me vajzën e tij Tiaren

Hekurani me një projekt shumë të veçantë, sjell duetin me vajzën e tij Tiaren

Hafizi që i zmbrapsi bullgarët nga Prishtina

Hafizi që i zmbrapsi bullgarët nga Prishtina

Era Istrefi sjell në versionin e saj këngën e artistit të preferuar

Era Istrefi sjell në versionin e saj këngën e artistit të preferuar

Negative pas 75 ditësh! Modelja italiane shërohet nga Covid-19

Negative pas 75 ditësh! Modelja italiane shërohet nga Covid-19