Bie kërkesa për blerje të banesave

E publikuar: 20/04/2015 10:42
Rreshtat+- AShkronjat+- Printo

Kërkesa për blerje të banesave në Prishtinë ka rënë dukshëm krahas viteve paraprake, ndonëse çmimet e tyre vazhdojnë të mbesin të njëjta.

Drejtues të agjencive për patundshmëri në kryeqytet thonë për “Zërin” se çmimi i banesave për një metër katror në lagjet periferike të Prishtinës sillet prej 650 deri në 700 euro, ndërsa në qendër të qytetit çmimi i tyre sillet prej 1200 deri në 3000 euro.

Bashkim Ajdini, nga agjencia “Omega” në Prishtinë, ka thënë se interesimi i qytetarëve për të blerë banesa të reja ka rënë dukshëm në dy vjetët e fundit.

Ajdini thotë se këtë vit kërkesa për blerje të banesave të reja krahas viteve paraprake, ka rënë përmbi 10 për qind.