53 gjyqtarë të rinj kanë dhënë betimin e tyre para presidentit të vendit, Hashim Thaçi.
Thaçi në këtë ceremoni ka thënë se gjyqtarët e rinj që sot u betuan duhet të jenë gardianët e Kushtetueshmërisë dhe Ligjshmërisë, njofton Klan Kosova.
“Të dashur gjyqtarë, në supet tuaja është një përgjegjësi e madhe, përgjegjësi që unë kam besim të plotë se do të dini ta mbani dhe qytetarët e vendit tonë të ndjejnë veten të sigurt dhe të barabartë para ligjit”, ka thënë Presidenti.
Ai ka thënë se në Republikën e Kosovës, që nga shpallja e pavarësisë, ka filluar një jetë e re, jetë me plotë dinamizëm dhe zhvillim, në të gjitha fushat, prandaj na duhet një punë e palodhshme, në veçanti në fushën e drejtësisë.
Gjyqtarët e rinj kanë bërë betimin dhe janë zotuar që do t’i qëndrojnë besnikë Kushtetutës së Republikës së Kosovës.
