Beteja për vendosjen e etnisë në letërnjoftime

15.02.2021 19:26
Rreshtat+- AShkronjat+- Printo
Beteja për vendosjen e etnisë në letërnjoftime

Opozita maqedonase kundërshton një propozim-ligj të partive shqiptare, konkretisht të Lëvizjes Besa, për vendosjen grafës etnike në letërnjoftime, që krahas shtetësisë, qytetarët të mund të deklarojnë edhe përkatësinë e tyre etnike.

Lëvizja Besa ka dalë me këtë projektligj bazuar në marrëveshjen që kishte me Lidhjen Social Demokrate të kryeministrit Zoran Zaev, që të jetë pjesë e qeverisë dhe të mbështesë disa ligje tjera. Propozimin e saj e kanë mbështetur edhe partitë opozitare shqiptare, Aleanca për Shqiptarët dhe Alternativa, por edhe Bashkimi Demokratik për Integrim që është pjesë e qeverisë.

Por, partia maqedonase e opozitës “E Majta” këtë propozim e ka konsideruar si nxitës të tensioneve ndëretnike, meqë sipas saj në shumë pak vende të botës, në dokumente personale qëndron edhe përkatësia etnike. Për të penguar miratimin e ligjit, “E Majta” ka paraqitur mbi 1.200 amendamente, gjë që ka çuar edhe në bllokimin e procedurës parlamentare.

“Një propozim i tillë vetëm sa i forcon ndarjet etnike që tani do të institucionalizohen edhe me ligj nëse kalon në kuvend. Ne e kundërshtojnë këtë propozim, andaj edhe kemi paraqitur mbi 1.200 amendamente. Vendosja e grafës etnike në dokumentet personale nuk është praktikë botërore. Janë jo më shumë se 20 shtete që në dokumente vendosin përkatësinë etnike apo fetare të qytetarëve, që vlerësojmë se nuk duhet të ndodhë, meqë kjo do të thellonte ndarjet në shoqëri”, ka deklaruar deputeti i partisë e “E Majta”, Branisllav Krmov.

Edhe VMRO-DPMNE-ja opozitare e kundërshton zgjidhjen e propozuar. Ajo nuk është kundër asaj që në dokumente të përcaktohet etnia, por kërkon që kjo të vlejë edhe për maqedonasit, të cilët, sipas opozitës, në grafën e përkatësisë etnik të mund të deklarohen si “maqedonas”, gjë që nuk parashihet në propozimin e hartuar.

“Qeveria apo më saktë (kryeministri) Zoran Zaev dhe (zëvendëskryeministri) Nikolla Dimitrov thonë në vazhdimësi se identiteti ynë është betonuar apo se fare nuk bëhet fjalë për kontestim të identitetit se jemi maqedonas, se flasim maqedonishten e kështu me radhë. Nëse qëndron kështu, atëherë pse në letërnjoftim mos të qëndrojë se unë jam shtetas i këtij vendi dhe se jam maqedonas? Nëse vlen për të tjerët, kjo duhet të vlej dhe për mua”, ka deklaruar nënkryetari i VMRO-DPMNE-së, Aleksandar Nikollovski.

Nga Lëvizja Besa thonë se propozimi i saj nuk cenon asnjë entitet tjetër, në veçanti maqedonasit, ndërsa druan se pas amendamenteve të opozitës maqedonase qëndrojnë qëllime tjera.

“Ne konsiderojmë se këtu ka një prapaskenë, një konspiracion i cili është paksa më i gjerë dhe besoj se në periudhën në vazhdim, me siguri se gjërat do të qartësohen dhe do të kemi më shumë informacione se çfarë nënkupton deponimi i këtyre amendamenteve për realizimin e një iniciative që nuk dëmton asnjë subjekt politik dhe etnik. Propozimi është thjesht një realitet shoqëror dhe shtetëror që Maqedonia e Veriut e ka si një vend shumetnik”, ka deklaruar Fadil Zendeli nga Lëvizja Besa.

Aktualisht në dokumentet personale në Maqedoninë e Veriut, si pasaportat dhe letërnjoftimet nuk figuron grafë për përkatësinë etnike. Për qytetarët maqedonas qëndron përkufizimi “shtetas maqedonas” ndërsa për shqiptarët “shtetas të Republikës së Maqedonisë”. Por, edhe ky përkufizim pritet të ndryshojë me nisjen e zbatimit të Marrëveshjes me Greqinë që parasheh zëvendësimin e emrit Maqedoni me Maqedonia e Veriut.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Përfaqësuesit e Luginës të përçarë, Ragmi Mustafa i thotë Shqiprim Arifit “mos iu zgërdhij Vulinit”

Përfaqësuesit e Luginës të përçarë, Ragmi Mustafa i thotë Shqiprim Arifit “mos iu zgërdhij Vulinit”

Të gjitha vendimet që mori sot Qeveria

Të gjitha vendimet që mori sot Qeveria

Rishfaqet Shefqet Krasniqi ka një kërkesë për Kurtin e Osmanin

Rishfaqet Shefqet Krasniqi ka një kërkesë për Kurtin e Osmanin

Shoqata e Gastronomëve jep detaje për masat e reja, muzika do të jetë e lejuar deri në 21:45

Shoqata e Gastronomëve jep detaje për masat e reja, muzika do të jetë e lejuar deri në 21:45

Qeveria e Kosovës vendos masat e reja anti-Covid-19

Qeveria e Kosovës vendos masat e reja anti-Covid-19

Vonesat me sigurimin e vaksinave, ministri Vitia e fton në takim Bekim Haxhiun e PDK’së që tha se ka kontakt me një kompani

Vonesat me sigurimin e vaksinave, ministri Vitia e fton në takim Bekim Haxhiun e PDK’së që tha se ka kontakt me një kompani

Rama në Kukës: Më mungon Thaçi, i dërgoj një përqafim, ja pse aeroporti quhet “Zayed”

Rama në Kukës: Më mungon Thaçi, i dërgoj një përqafim, ja pse aeroporti quhet “Zayed”

Belgjika bën thirrje për përfundimin e dialogut Kosovë – Serbi me një marrëveshje historike

Belgjika bën thirrje për përfundimin e dialogut Kosovë – Serbi me një marrëveshje historike

Obradoviq: Dokumenti jozyrtar për ndryshimin e kufijve i jep karburant Kurtit

Obradoviq: Dokumenti jozyrtar për ndryshimin e kufijve i jep karburant Kurtit

11 viktima e 364 raste të reja me COVID-19 në Kosovë

11 viktima e 364 raste të reja me COVID-19 në Kosovë

Mosbesim ndaj vaksinave si pasojë e  lajmeve të rreme

Mosbesim ndaj vaksinave si pasojë e lajmeve të rreme

Mbyllet spitali Covid-3 në Tiranë, shkak bëhet ulja e numrit të pacientëve

Mbyllet spitali Covid-3 në Tiranë, shkak bëhet ulja e numrit të pacientëve

Të ndryshojë preambula për Kosovën në kushtetutën serbe, Daçiq: Histori boshe

Të ndryshojë preambula për Kosovën në kushtetutën serbe, Daçiq: Histori boshe

Mbetet ora policore, hapet gastronomia – këto janë masat që pritet t’i miratojë sot Qeveria

Mbetet ora policore, hapet gastronomia – këto janë masat që pritet t’i miratojë sot Qeveria

Vuçiq flet për mundësinë e ndryshimit të kufijve në Ballkan dhe bashkimin e Kosovës me Shqipërinë

Vuçiq flet për mundësinë e ndryshimit të kufijve në Ballkan dhe bashkimin e Kosovës me Shqipërinë

Kurteshi: Shumica e medieve në Kosovë – produkt i krimit të organizuar

Kurteshi: Shumica e medieve në Kosovë – produkt i krimit të organizuar