Tony Bellew mendon se Tyson Fury asnjëherë nuk do të rikthehet në majat e boksit dhe se i vetmi boksier që mund ta mposhtë Anthony Joshuan është Deontay Wilder.

“Është e turpshme që Deontay Wilder ka zhvilluar 40 meçe dhe ka boksuar ndaj emrave të ndryshëm. mirëpo, i vetmi njeri në planet që mund ta mposhtë Anthony Joshuan është Wilder. Askush tjetër nuk ka asnjë shans”.

Deontay Wilder dhe Anthony Joshua (Foto: Getty Images)

“As edhe Tyson Fury. Meçet i bëjnë stilet. A mendon dikush se Joshua do ta ketë të vështirë ta godasë Furyn në një pozitë të volitshme? A ka dikush që mendon se Fury ka fuqinë për ta lënduar Joshuan? Është e lehtë ta parashikosh rezultatin e atij dueli”.

“Do të ishte një përfundim brutal dhe mendoj se të njëjtën gjë do t’ia bënte Furyt edhe Wilder. Po ashtu besoj se edhe një boksier i plotë i peshave të mesme do ta bënte të njëjtën gjë”.

Tony Bellew (Foto: Getty Images)

“Aktualisht Fury është i dobët. Nuk mendoj se ai do ta kthejë ndonjëherë formën që e ka pasur”, ka deklaruar Bellew.

Ai ka thënë më tej se Joshua do ta mposhtë me lehtësi sfiduesin për titullin WBA, Alexander Povetkin.

Alexander Povetkin (Foto: Getty Images)

Është pritur që këtë vit të zhvillohej superdueli ndërmjet Joshuas dhe Wilderit, mirëpo WBA e ka detyruar britanikun që ta mbrojë titullin ndaj sfidues të detyrueshëm. /Telegrafi/

Tyson Fury (Foto: Getty Images)