Këngëtarja e njohur me origjinë nga Dibra ka qenë e ftuar në “MTV” në Times Square në Nju Jork. Ajo ka folur për vështirësitë që kishte deri në “shpërthimin” e saj në tregun ndërkombëtar të muzikës.
Vëmendje të veçantë i ka kushtuar bashkëpunimit më artistë të ndryshëm me renome ndërkombëtare si: Nicki Minaj, Eminem, Rihanna etj.
Sikurse edhe herëve të kaluara Rexha nuk e ka lënë pa përmendur faktin se është shqiptare dhe për pagëzimin e saj nga babai.
Vlen të theksohet se Bebe Rexha do të moderojë “MTV EMA Awards” që këtë vit do të mbahet në Roterdam të Holandës, ku ajo është e nominuar për dy çmime.
