Nis i implementimi i projektit të financuar nga Banka Botërore-CERP, që ndihmon bizneset të eksportojnë në tregjet e huaja

05.12.2018 12:01
Rreshtat+- AShkronjat+- Printo
Nis i implementimi i projektit të financuar nga Banka Botërore-CERP, që ndihmon bizneset të eksportojnë në tregjet e huaja

Ministri i Tregtisë dhe Industrisë, Endrit Shala, ka pritur në takim Menaxherin e Konkurueshmërisë dhe Inovacionit në Bankën Botërore Mario Gudamillas dhe Marco Mantovanelli, menaxher i Bankës Botërore për Kosovë, për fillimin e implementimit të Projektit të financuar nga Banka Botërore CERP, (Konkurrueshmëria dhe Rritja e Aftësisë Eksportuese për NVM-të) në Republikën e Kosovës.

Ministri Shala ka theksuar se komponentët dhe aktivitetet e këtij projekti do të përqendrohen konkretisht fusha ku ambienti afarist në Kosovë ka nevojë për përmirësim dhe avancim.

“Projekti CERP i financuar nga Banka Botërore për periudhën e ardhshme pesë vjeçare do të shihet si mundësi reale dhe mënyrë për të realizuar qëllimet dhe objektivat zhvillimore të MTI-së, përkrahjes së sektorit privat, si dhe objektivat zhvillimore të Qeverisë së Republikës së Kosovës dhe përmirësimit të ambientit të të bërit biznes në veçanti. Komponentët dhe aktivitetet e këtij projekti do të përqendrohen kryesisht në këto fusha, konkretisht fusha ku ambienti afarist në Kosovë ka nevojë për përmirësim dhe avancim:
– Rritja e konkurueshmërisë dhe aftësisë eksportuese të ndërmarrjeve të vogla dhe të mesme ( NVM-të),
– Përmirësimi dhe avancimi i sistemit të Infrastrukturës Kombëtare të cilësisë dhe
– Reformimin i sistemit të Inspekcioneve”, theksoi Shala.

Ministri bëri të ditur se projekti i Bankës Botërore do të rrisin aftësinë konkurruese dhe eksportuese të kompanive vendore në tregun regjional dhe atë të Bashkimit Europian.

“Më qëllim të përkrahjes së NVM-ve me potencial eksportues, MTI ndërmjet këtij projekti parasheh implementimin e skemës së granteve të përputhshme duke përkrahur NVM-të në certifikimin e produkteve dhe shërbimeve të tyre, përmbushjen e kërkesave të tyre ne realizmin e standardeve ndërkombëtare, ofrimit te shërbimeve të konsulences, hulumtimit të tregut, zhvillimit te strategjive te marketingut etj. Në këtë mënyre NVM-të në vendin tonë do të rrisin aftësinë konkurruese dhe eksportuese në tregun regjional dhe atë të Bashkimit Europian”.

Ministri Shala tha se aktualisht NVM-të eksportuese nuk mund t’i përdorin raportet e testimit nga laboratorët e brendshëm apo certifikatat nga organizmat e brendshëm certifikuese të produkteve kur ata i eksportojnë prodhimet e tyre.

“Pasi që akreditimi i këtyre laboratorëve dhe organizmave certifikues nuk është njohur ndërkombëtarisht. MTI synon që ndërmjet Agjencisë për Metrologji dhe Agjencionit për Akreditim të sigurojë njohje ndërkombëtare, dhe produktet e çdo organizate të akredituar në Kosovë (në këtë mënyrë, të gjitha institucionet IKC (Infrastrukturës Kombëtare të Cilësisë në Kosovë) të njihen nga partnerët potencial tregtar vendor dhe ndërkombëtar”.

Sipas ministrit Shala, reformimi i sistemit të Inspekcioneve është gjithashtu komponentë e rëndësishme e këtij projekti.

“Ne si MTI jemi të përkushtuar dhe do të punojmë në drejtim të zvogëlimit dhe eliminimit të barrierave administrative për Bizneset duke përmirësuar shërbimet dhe efikasitetin gjatë kryerjes së Inspektimeve. Gjithashtu Qeveria është duke punuar për krijimin e infrastrukturës ligjore, respektivisht Ligjin gjithëpërfshirës për Inspekcionet, dhe në këtë mënyrë do të ofrohen kushte edhe mundësi për implementim të suksesshëm të kësaj reforme”, tha ministri.

Ministri i Tregtisë dhe Industrisë konfirmoi edhe njëherë përkushtimin, vullnetin, dhe gatishmërinë në implementimin e këtij projekti, duke kuptuar dhe besuar se ky projekt dhe kjo përkrahje e Bankës Botërore do të ndikojë drejtpërdrejtë në përmirësimin dhe avancimin e mëtutjeshëm të ambientit afarist në Republikën e Kosovës.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Quni: Ushtria serbe dje është nisur në drejtim të Kosovës, por ka ndërhyrë menjëherë NATO

Quni: Ushtria serbe dje është nisur në drejtim të Kosovës, por ka ndërhyrë menjëherë NATO

Haradinaj: Ata që janë kundër taksës, mund të largohen nga Qeveria

Haradinaj: Ata që janë kundër taksës, mund të largohen nga Qeveria

Çelaj: Zëvendësministra shumë, por s’do të thotë se s’janë produktivë

Çelaj: Zëvendësministra shumë, por s’do të thotë se s’janë produktivë

19 mijë shqiptarë kërkuan azil në BE në vitin 2018

19 mijë shqiptarë kërkuan azil në BE në vitin 2018

Thaçi: Nëse vazhdon dialogu, Serbia do të detyrohet që ta njohë Kosovën

Thaçi: Nëse vazhdon dialogu, Serbia do të detyrohet që ta njohë Kosovën

Largohet një ilaç i ngjashëm me Viagra’n nga tregu kosovar

Largohet një ilaç i ngjashëm me Viagra’n nga tregu kosovar

Haradinaj: PDK-ja të mos më çojë selame, nëse i prishi raportet me Amerikën – unë dorëhiqem

Haradinaj: PDK-ja të mos më çojë selame, nëse i prishi raportet me Amerikën – unë dorëhiqem

Policia me aksion bastisjeje në Drenas, pas grabitjes së armatosur

Policia me aksion bastisjeje në Drenas, pas grabitjes së armatosur

Hoxhaj falënderon NATO’n për mbështetjen ndaj ushtrisë së Kosovës

Hoxhaj falënderon NATO’n për mbështetjen ndaj ushtrisë së Kosovës

Raporti i DASH-it, Ymeri: Kosova është kapur dhe korruptuar

Raporti i DASH-it, Ymeri: Kosova është kapur dhe korruptuar

Kurti: Vuçiqi s’do që të hiqet taksa që të vazhdojë dialogu, por pazari me Thaçin

Kurti: Vuçiqi s’do që të hiqet taksa që të vazhdojë dialogu, por pazari me Thaçin

Parlamenti britanik kundërshton një referendum të ri për Brexit-in

Parlamenti britanik kundërshton një referendum të ri për Brexit-in

Apostolova: Liderët ta bindin BE-në për vizat, nepotizmi politik nuk bën të mbizotërojë

Apostolova: Liderët ta bindin BE-në për vizat, nepotizmi politik nuk bën të mbizotërojë

Ndihma e parë financiare në vlerë prej pesë milionë euro për Trepçën si shoqëri aksionare

Ndihma e parë financiare në vlerë prej pesë milionë euro për Trepçën si shoqëri aksionare

Hoti reagon ndaj Daçiqit: Këto kërcënime janë boshe, BE-ja duhet të reagojë

Hoti reagon ndaj Daçiqit: Këto kërcënime janë boshe, BE-ja duhet të reagojë

Apostolova: Çështja e Demarkacionit ndikoi në vonesën e liberalizimit të vizave

Apostolova: Çështja e Demarkacionit ndikoi në vonesën e liberalizimit të vizave