Bayern Munichu ka marrë lajme negative nga stafi mjekësor, pasi që Thiago Alcantara do të mungojë disa javë.

Reprezentuesi spanjoll u largua nga ndeshja e Kupës ndaj skuadrës inferiore Rodinghausen të martën.

Kështu janë shtuar brengat e lëndimeve për Niko Kovac, kurse Bayerni ka konfirmuar në faqen zyrtare se lojtari ka të lënduar ligamentet e gjurit.

Tashmë Bayerni ka mbetur pa lojtarë të mjaftueshëm në mesfushë pasi kohë më parë u lëndua edhe Corentin Tolisso.

Ish-mesfushori i Barcelonës ka luajtur 14 nga 15 ndeshjet e këtij sezoni, kurse u largua në minutën e 75-të pas një ndërhyrje.

Bayerni është në vendin e dytë pas nëntë ndeshjeve në Bundesliga dhe tashmë ka probleme të mëdha me lëndime.

Tolisso, Goretzka, Coman, Rboben, Boateng, Rafinha, Hummels, Ribery kanë qenë disa prej të lënduarve në ndeshjet e fundit.

Bayerni pret Freiburgun në Bundesliga të shtunën. /Telegrafi/