Barcelona rivalizohet nga gjigantët anglezë për Danilon

E publikuar: 12/10/2017 18:03
Rreshtat+- AShkronjat+- Printo

Interesimi për të fituar shërbimet e mesfushorit portugez të Portos, Danilo Pereira, dita ditës po rritet edhe më shumë.

Mesfushori Danilo është lojtari kryesor i Portos në vitet e fundit, ku është bërë pjesë e rëndësishmë edhe e kombëtares portugeze.

Paraqitjet e tij të mira me ekipin dhe kombëtaren e Portugalisë kanë bërë që Danilo të shikohet me vëmendje nga klube të mëdha evropiane.

Barcelona është duke përgatitur ofertën e janarit për Danilon, i cili shihet si një alternativë për mesfushorin e Nice, Jean Michael Seri, që mund të mos transferohet te Barça.

Danilo gjatë një dueli me Bale

Megjithatë, gazeta Mundo Deportivo thekson se gjiganti katalunas përballet me konkurrencë nga Manchester City dhe Arsenal për 26-vjeçarin portugez.

Në Barça, Danilo shihet si një zëvendësim afatgjatë ndaj spanjollit, Sergio Busquets, i cili ka filluar të ul nivelin e tij viteve të fundit.

Danilo ishte pjesë e skuadrës së Portugalisë që fitoi Euro 2016 në Francë verën e kaluar, ndërsa pas kampionatit ka qenë edhe në radarin e Liverpoolit.

Portugezi ka rinovuar vitin e kaluar me Porton dhe thuhet se klubi i madh i ka vendosur edhe një klauzolë largimin e cila mendohet të jetë 60 milionë euro. /Telegrafi/