Avokati i Sylejman Selimit, Tomë Gashi, ka reaguar pasi që Gjykata Supreme ka bllokuar lirimin e klientit të tij, duke thënë se kjo është e kundërligjshme dhe se po përgatitet kallëzim penal kundër personave përgjegjës.
“Gjykata Supreme e Kosoves perseri bllokon lirimin e Gjeneral Sylejman Selimi. Qe nga 11.06.2018 Gjeneral Sylejman Selimi eshte duke u mbajtur ne burgun e Dubraves pa asnje te drejte dhe per kete nuk ka asnje arsye ligjore perveq arsyeve “te fshehta” qe eventualisht “mund t’i dije” apo “t’I kete shpikur” vete Gjykata me e larte ne Republiken e Kosoves per ta mbajtur ate ne menyre te kunderligjshme ne burg”, ka shkruar Gashi në Facebook, transmeton Lajmi.net.
“Arsye ligjore nuk ka as per ta bllokuar lirimin me kusht te Sylejman Selimit gje qe kete here e beri paneli per lirimin e kusht duke kerkuar informacione nga Gjykata Supreme te cilat ne avokatet e Sylejman Selimit jemi duke i kerkuar per me teper se 133 dite”.
“Eshte me se e qarte se jane arsye politike dhe jo ligjore per mbajten e Gjeneral Sylejman Selimit ne burg ne menyre te kunderligjshme por ata qe po e mbajne duhet te mendojne per vetveten sepse nje dite do te perballen me forcen e ligjit”.
Gashi për më tepër ka njoftuar se lidhur me këtë rast po përgatitet kallëzim penal “kundër personave përgjegjës”.
“Per mbajtjen e kunderligjshme te Sylejman Selimit ne burg eshte duke u pregatitur nje kallxim penal kunder te gjithe pergjegjesve qe do te identifikohen per kete skandal te qellimshem juridik me prapavije politike”.
“Gjeneral Sylejman Selimi nuk besoj qe ka luftuar per kesi sistemi juridik te Kosoves ku pasiguria juridike qellimisht eshte duke u krijuar edhe ndaj vete komandantit te Shtabit te Pergjithshem te UÇK-se”.
