Autostradat miliardëshe të Kosovës

18.06.2017 20:22
Rreshtat+- AShkronjat+- Printo
Autostradat miliardëshe të Kosovës

Infrastruktura rrugore ka mbizotëruar investimet në Kosovë këto vitet e fundit. Përveç ndërtimit të rrugëve lokale e magjistrale, janë ndërtuar edhe autostrada që lidhin Kosovën me vendet e rajonit dhe të Evropës. Përqindja më e madhe e buxhetit të Kosovës, zakonisht është ndarë pikërisht për ndërtimin e autostradave.

Aktualisht, në proces të ndërtimit është autostrada, “Arbën Xhaferi”, që lidh Kosovën me Maqedoninë, kurse gjatë këtij viti, pritet të fillojë edhe ndërtimi i autostradës Prishtinë – Gjilan – Konçul, që lidh Kosovën me Serbinë jugore, përkatësisht Luginën e Preshevës, ku jeton shumica shqiptare.

Ramë Çupeva, drejtor i Departamentit të Infrastrukturës Rrugore në Ministrinë e Infrastrukturës në Qeverinë në largim të Kosovës, thotë për Radion Evropa e Lirë se punimet në autostradën Prishtinë – Shkup janë duke vazhduar në gjithë gjatësinë e mbetur, duke shtuar se me rritjen e temperaturave punimet po zhvillohen me dinamikë të përshpejtuar.

“Në këto momente, janë rreth 33 kilometra trase, ku janë duke u zhvilluar aktivitetet. Punimet janë duke vazhduar sipas planit dinamik. Sivjet deri në fund të muajit tetor, pritet që të hapet pjesa deri në Doganaj. Kurse vitin tjetër, pritet të kompletohet traseja deri në Han të Elezit”, thotë Çupeva.

Realizimi i këtij projekti ka filluar në vitin 2014, kurse punët sipas planit, duhet të përfundojnë në fillim të vitit 2018. Kjo autostradë, sipas parashikimeve të Qeverisë, do të kushtojë rreth 600 milionë euro.

Ende pa përfunduar autostrada që lidh Kosovën me Shkupin, autoritetet në Prishtinë, kanë njoftuar se tashmë është shpallur tenderi për ndërtimin e autostradës së tretë në Kosovë. Bëhet fjalë për autostradën, Prishtinë – Gjilan – Konçul, duke synuar ta lidhin Kosovën me korridoret evropiane.

Qazim Jonuzaj, menaxher për këtë autostradë nga Ministria e Infrastrukturës, në Qeverinë në largim të Kosovës, bën të ditur për Radion Evropa e Lirë se sivjet pritet që të fillojë ndërtimi i autostradës me gjatësi rreth 22 kilometra me një çmim prej 130 milionë eurosh.

“Kjo autostradë do të lidhë qytetin e Gjilanit me Preshevën dhe Bujanocin. Ky është edhe qëllimi kryesor që autostrada të lidhet me pjesën e banuar me shqiptarë në Republikën e Serbisë”, thotë Jonuzaj.

Ndryshe, njohës të kësaj çështjeje, përmirësimin e infrastrukturës rrugore dhe ndërtimin e autostradave e konsiderojnë projekt të domosdoshëm dhe të nevojshëm për të ardhmen e vendit, por edhe si projekt të ngutshëm për këtë kohë.

Halim Gjergjizi, doktor i Shkencave Agro-Ekonomike, i cili njëherësh ka qenë hartues i projektit të autostradës Merdar – Morinë, thotë se modernizimi infrastrukturës rrugore është me vend, por në rrethanat aktuale në Kosovë, financimi në autostrada është jo i qëlluar.

“Si parim, ndërtimi i autostradave, rrugëve në përgjithësi, është shumë me vend. Por, në aspektin afatshkurtër Kosova ka shumë prioritete tjera dhe me siguri mjetet buxhetore do të ishte shumë më me vend të përdoren për uljen e papunësisë dhe varfërisë”, vlerëson Gjergjizi për Radion Evropa e Lirë.

Autostrada e parë e ndërtuar në Kosovë është ajo Durrës – Kukës – Morinë që lidh Kosovën me Shqipërinë, e quajtur “Ibrahim Rugova”.

Në kuadër të kësaj autostrade që Kosovës i ka kushtuar rreth një miliard euro, autoritetet kompetente në Prishtinë, kanë përgatitur projektin për vazhdimin e autostradës Prishtinë – Merdar – Nish. Projekti përkrahet nga Bashkimi Evropian, si projekt i përbashkët i infrastrukturës rrugore dhe hekurudhore për Ballkanin Perëndimor.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Osmani: LDK e voton demarkacionin kur kryeministri Haradinaj të kërkojë falje

Osmani: LDK e voton demarkacionin kur kryeministri Haradinaj të kërkojë falje

Më shumë se njëmijë raste me fruth që nga qershori

Më shumë se njëmijë raste me fruth që nga qershori

Amaneti prekës që Gani Dreshaj ia la vajzës së tij

Amaneti prekës që Gani Dreshaj ia la vajzës së tij

Isa Mustafa: Fitorja në Istog triumf ndaj atyre që manipuluan

Isa Mustafa: Fitorja në Istog triumf ndaj atyre që manipuluan

Pacolli: Demarkacioni në shkurt, vizat në qershor (Video)

Pacolli: Demarkacioni në shkurt, vizat në qershor (Video)

Begolli që bënte thirrje për ta votuar Abrashin, sot nënshkroi koalicion me Ahmetin

Begolli që bënte thirrje për ta votuar Abrashin, sot nënshkroi koalicion me Ahmetin

Haradinaj do imunitet për deputetët, VV-ja kërkon diskutim e LDK-ja shpreh rezerva

Haradinaj do imunitet për deputetët, VV-ja kërkon diskutim e LDK-ja shpreh rezerva

Pronat e Balilit, kush i dha 21 Ha tokë dhe historia e “Santa Quaranta”

Pronat e Balilit, kush i dha 21 Ha tokë dhe historia e “Santa Quaranta”

Daçiq: Kosova nuk mund të anëtarësohet në KE pasi nuk është shtet

Daçiq: Kosova nuk mund të anëtarësohet në KE pasi nuk është shtet

Shkupi thyen rekordin për ndotjen e ajrit

Shkupi thyen rekordin për ndotjen e ajrit

Gjermani e ndihmon Kosovën në menaxhimin e mbeturinave

Gjermani e ndihmon Kosovën në menaxhimin e mbeturinave

Kurti apo Molliqaj? Të dielën mbledhja e Këshillit të Përgjithshëm të VV-së

Kurti apo Molliqaj? Të dielën mbledhja e Këshillit të Përgjithshëm të VV-së

Bitcoin drejt kolapsit, thotë Behgjet Pacolli

Bitcoin drejt kolapsit, thotë Behgjet Pacolli

Licencohet Federata Kosovare e Biliardos

Licencohet Federata Kosovare e Biliardos

Certifikohen 200 të rinj për ndërmarrësi

Certifikohen 200 të rinj për ndërmarrësi

Pacolli pret një delegacion të BE-së, diskutohen çështje të sigurisë

Pacolli pret një delegacion të BE-së, diskutohen çështje të sigurisë