Ausilio në vend të Monchit te Roma

E publikuar: 27/02/2019 12:36
Rreshtat+- AShkronjat+- Printo

Drejtori i Interit, Piero Ausilio thuhet se është zgjedhja e parë e Romës për të zëvendësuar Monchin.

Ky i fundit duket gjithnjë e më shumë ka të ngjarë të bashkohet me Arsenalin sapo të ketë mbaruar sezonin.

E përditshmja italiane, “Corriere dello Sport” shkruan sot se romakët duan të zëvendësojnë spanjollin me dikë që do të ketë ‘më pak kompetenca vendimmarrëse’.

Ramon Rodriguez Monchi (Photo by Alessandro Sabattini/Getty Images)

Gazeta shpjegon se Giallorossit gjithashtu mund t’i bëjnë ofertë edhe ish-drejtorit të Milanit, Massimiliano Mirabelli si dhe Daniele Faggiano të Parmës, por kanë prioritet zikaltërin.

Ausilio 46-vjeçar ka një lidhje të gjatë me Interin, ku është në radhët e klubit që nga viti 1997 si sekretar për sektorin e të rinjve.

Nëse një veprim nuk arrin të materializohet, Il Corriere shkruan se romakët mund të zgjedhin edhe mes Ricky Massaras dhe ish mbrojtësit të Italisë, Federico Balzarettit.

Ndryshe, Monchi kishte braktisur radhët e skuadrës spanjolle të Sevillas për të kaluar te klubi i Serie A. /Telegrafi/