Një i ri ka mbetur i plagosur mesditën e sotme në zonën e Astirit në Tiranë, kur persona të paidentifikuar ende kanë qëlluar me armë ndaj 22-vjeçarit me inicialet G. K., dhe janë larguar me shpejtësi me një makinë.
Burime nga policia thanë se, ndaj të riut është bërë një atentat, ndërsa ai është dërguar me urgjencë në spital, ku mësohet se ndodhet jashtë rrezikut për jetën.
Policia ka shkuar në vendin e ngjarjes dhe ka nisur hetimet. Ndërsa janë vënë edhe në ndjekje të mjetit nga është qëlluar me armë.
Për këtë arsye në zonën janë ngritur disa postblloqe.
© SYRI.net
