Apostolova politikanëve kosovarë: Mos e akuzoni Brukselin për dështimet e juaja

E publikuar: 25/05/2017 08:19
Rreshtat+- AShkronjat+- Printo

Politikanët në mënyrë të përsëritur kanë dështuar ta ratifikojnë Marrëveshjen e demarkacionit me Malin e zi, prandaj përgjegjësia është e tyre, shkruan sot Koha Ditore.
Kështu ka thënë shefja e Bashkimit Evropian për Kosovë, Natalia Apostolova, kur është pyetur për akuzat e fundit të presidentit Hashim Thaçi drejtuar zyrtarëve të Brukselit.

Thaçi kishte kritikuar ashpër BE-në për mungesë vizioni e guximi, në vizitën e fundit në Austri. Sipas shefit të shtetit, edhe kriteri i demarkacionit është vendosur padrejtësisht në momentet e fundit, duke ia pamundësuar Kosovës liberalizimin e vizave.

Gjatë një bisede për “Kohën Ditore”, përfaqësuesja e lartë e BE-së, Apostolova, ka theksuar se fushata parazgjedhore po shfrytëzohet nga politikanët për të shmangur vëmendjen duke kërkuar “kurban” diku tjetër.