Njëri prej udhëheqësve të Ushtrisë Çlirimtare të Kosovës, Anton Quni, ka folur në parim, pa përmendur emra, për misionin e luftëtarit dhe të prokurorit në kohën kur një prokuror ka gjetur se mbi 19 mijë mashtrues gjenden në listat e veteranëve.
“Luftëtari dhe prokurori e kanë një të përbashkët; që të dy betohen se me dinjitet do të përmbushin misionin. Ata përballen me vështirësi dhe rreziqe. Luftëtari cdo ditë lufte e sheh vdekjen me sy. Jo të gjithë arrijnë ta mbajnë betimin”, ka shkruar Quni.
Pastaj ka bërë dallimin ndërmjet një luftëtari të vërtetë dhe një dezertori sikurse të një prokurori me një mashtruesi.
“Të dallosh luftëtarin nga dezertorët, profiterët dhe mashtruesit është mision i shenjtë. Këtë mund ta bëjë vetëm ai prokuror që është i gatshëm ta mbaj betimin, edhe atëherë kur e sheh vdekjen me sy!”, ka shkruar Quni.
Këto komente ish-FARK’isti, Anton Quni i ka bërë në kohën kur një Aktakuzë për mashtruime me veteranë ka shkuar në Gjykatë.
Aktakuza ndaj mashtruesve ka përshirë ish-Kryeministrin Agim Çeku, Ministrin aktual të FSK’së, Rrustem Berishën dhe të tjerë.
Prokurori Elez Blakaj kishte ikur në Amerikë pasi ishte kërcënuar familja e tij. Është përmendur se në SHBA është larguar me rekomandimin e atyre që e kanë shkolluar.
Pas kësaj, Ramush Haradinaj e kishte quajtur hajn të pulave.
Aktakuza e tij ka shkuar në Gjykatë. Pritet që procesi i verifikimit të veteranëve të kthehet nga fillimi kur të nxirret aktgjykimi se procesi ka qenë i manipuluar.
