Arsenali thuhet se ishte i interesuar në transferimin e Amir Rrahmanit nga Hellas Verona në afatin kalimtar të janarit.
Mediat italiane kanë zbuluar se The Gunners kishin filluar të ndjekin nga afër lojën e mbrojtësit shqiptar, por që në fund dështuan.
Skuadra londineze e kishte kuptuar se kapiteni i Përfaqësueses së Kosovës kishte arritur marrëveshje verbale me Napoli, për t’u tërhequr kështu nga gara.
Pak ditë më vonë, napolitanët kishin arritur marrëveshje me rivalin e tyre nga Serie A për transferimin e mbrojtësit.
Napoli e transferoi Rrahmanin nga Verona për një shumë rreth 14 milionë euro, për ta lënë në huazim deri në fund të këtij sezoni.
Mbrojtësi shqiptar së bashku me Marash Kumbullën kanë bërë që Verona të jetë e frikshme në këtë sezon, e që së fundmi arritën të mposhtin Juventusin me rezultatin 2-1 në ligën Italiane.
