Presidenti amerikan, Donald Trump dhe homologu kinez, Xi Jinping u angazhuan, gjatë një bisede telefonike, për maksimalizimin e presionit kundër Koresë së Veriut nëpërmjet një aplikimi rigoroz të rezolutave të Këshillit të Sigurimit të OKB-së, konfirmoi sot Shtëpia e Bardhë.
”Dy krerët diskutuan për arrogancën e Koresë së Veriut ndaj komunitetit ndërkombëtar dhe përpjekjet e saj për destabilizimin e Azisë verilindore”, shtoi presidenca amerikane.
Një takim i Këshillit të Sigurimit në nivel ministerial është parashikuar të enjten për Korenë e Veriut.
Presidenti amerikan, Donald Trump zhvilloi sot një bisedë telefonike me homologun kinez, Xi Jinping para hapjes së Asamblesë së përgjithshme të OKB-së ku Koreja e Veriut do të jetë në qendër të debateve.
Donald Trump ndodhet në Nju Jork për takimi e Kombeve të Bashkuara ku do të mbajë nesër fjalimin e tij të parë si president, por presidenti kinez, Xi Jinping nuk merr pjesë këtë vit në Asamblenë e përgjithshme.
Ministrat e Punëve të Jashtme të vendeve anëtare të Këshillit të Sigurimit të OKB-së do të mblidhen të enjten për të diskutuar mbi mospërhapjen e armëve të shkatërrimit në masë dhe mbi kërcënimin bërthamor të shkaktuar nga Koreja e Veriut./