Ambasadori italian Nicola Orlando me rastin e 21 vjetorit të çlirimit të Kosovës ka thënë se duhet drejtësi për të gjitha viktimat dhe se rrugëtimi i pajtimit nuk është kompletuar.
“Si ofruesi më i madh i sigurisë në Kosovë, Italia u bashkohet festimeve të 21-vjetorit të çlirimit. Rrugëtimi i pajtimit nuk ka përfunduar dhe kërkon drejtësi për të gjitha viktimat. Ne qëndrojmë pranë partnerëve tanë çdo ditë përmes KFOR-it dhe dialogut të udhëhequr nga BE-ja për vizionin tonë të përbashkët për paqen dhe demokracinë“.
Ai po ashtu falenderoi ushtarët italianë që shërbyen për të ruajtur paqen dhe demokracinë në Kosovë.
”Në këtë ditë mirënjohje të përzemërta shkojnë edhe për 70 mijë ushtarët italian të cilët shërbyen për të sjellë dhe ruajtur paqen dhe demokracinë në Kosovë, si dhe për të rëndët. Italia është gjithmonë mirënjohëse” ka shkruar Orlando në Twitter./Infosot/
As biggest security provider in #Kosovo, #Italy joins celebrating 21y from #Liberation. Path to reconciliation not complete & requires justice for all victims. We stand by our partners every day through @NATO_KFOR & #EU-led dialogue for our shared vision of peace and democracy. pic.twitter.com/tbg7jranvn
— Nicola Orlando (@nicolaorlando) June 12, 2020
