Ambasadori i Kosovës në Mal të Zi, Ylber Hysa ka vizituar sot komunën e Tuzit, ku është njoftuar nga afër për gjendjen me pandeminë e koronavirusit në këtë komunë.
Hysa aty është pritur nga kryetari i komunës, Nikë Gjeloshaj, shefi i asamblesë komunale Fadil Kajoshaj dhe shefi i policisë komunale, Rexhep Çunmulaj.
Ambasadori Hysa e ka uruar kryetarin shqiptar të Tuzit dhe stafin e tij për punën e jashtëzakonshme të kryer gjatë karantinimit të tërë komunës, si dhe tejkalimit të krizës me koronavirus.