Ambasada amerikane ka një njoftim për kosovarët që duan të marrin vizë

16.05.2018 15:51
Rreshtat+- AShkronjat+- Printo
Ambasada amerikane ka një njoftim për kosovarët që duan të marrin vizë

Personat mbi moshën 50 vjeçare mund të aplikojnë për vizë turistike amerikane në Prishtinë.

Ambasada e SHBA-së në Prishtinë ka njoftuar se, që nga ky moment, do të fillojë të pranojë aplikacionet për viza turistike (B1/B2) për kosovarët e moshës mbi 50 vjeçare.

Deri më tani, shërbimi i tillë është ofruar në Prishtinë vetëm për aplikuesit e moshës mbi 60 vjeçare.

“Pasi që ambasada e SHBA-së në Prishtinë përpiqet të ofrojë shërbime të cilësisë së lartë për qytetarët e Kosovës të cilët aplikojnë për viza, dhe ka konsideratë për vështirësitë që paraqet udhëtimi për në Shkup, duke pasur parasysh mbylljen e rrugës kryesore, ajo ka vendosur t’i zgjerojë shërbimet për viza të ofruara në Prishtinë”, thotë Ambasada amerikane në Prishtinë, shkruan Lajmi.net.

Në të ardhmen, kjo Ambasadë thotë se aplikantët duhet plotësuar formularin DS-160 (i cili mund të gjendet në faqen zyrtare të ambasadës së SHBA-së në: https://xk.usembassy.gov/visas/), të përzgjedhin Prishtinën si vend të aplikimit, dhe të caktojnë terminin për intervistë në ëeb-faqe.

“Në ditën e intervistës aplikantët duhet të paguajnë tarifën për vizë (me para në dorë, dollarë ose euro) në ambasadë ku dhe do të intervistohen nga një zyrtar konsullor. Vini re se këto procedura dallojnë nga ato në ambasadën e SHBA-së në Shkup. Aplikantët të cilët tashmë e kanë paguar tarifën për vizë në mënyrë elektronike apo në Bankën Raiffeisen nuk mund ta përdorin këtë pagesë për të aplikuar në ambasadën e SHBA-së në Prishtinë – ata ose duhet të aplikojnë në Shkup ose duhet të bëjnë një pagesë të re. Gjatë intervistës të gjithë aplikantët duhet të dëshmojnë se kualifikohen për të marrë vizën. Zakonisht, vizat e aprovuara mund të merren në ambasadë, një ditë pune pas intervistës”, deklaron Ambasada në njoftimin për media.

Ambasada e SHBA-së në Prishtinë shpreson të ofrojë më shumë shërbime për viza në vitin vijues. Për çdo risi dhe ndryshim, Ambasada lut qytetarët që të përcjellin aktivitetin në Facebook. Pyetjet tuaja mund t’i drejtoni në PristinaVisas@state.gov

Vini re:

Aplikantët duhet të paraqiten jo më shumë se 15 minuta para intervistës. Armët ose çantat e mëdha janë të ndaluara në ambasadë. Aplikantët këshillohen t’i lënë pajisjet elektronike në shtëpi për të lehtësuar kontrollimin e tyre nga ana e personelit të sigurimit.

Për të arritur tek Sektori Konsullor duhet ecur shkallëve dhe nëpër sipërfaqe jo të rrafshëta. Për shkak të hapësirës së kufizuar personat të cilët nuk aplikojnë për vizë nuk do të mund të futen në ambasadë. Aplikantët me aftësi të kufizuar të lëvizjes, apo që kanë nevojë për ndihmë të ndonjërit prej anëtarëve të familjes, këshillohen të aplikojnë në ambasadën e SHBA-së në Shkup.

Çiftet e martuara mund të aplikojnë së bashku në Prishtinë përderisa njëri nga ta është mbi 50 vjeç. Të gjithë aplikantët tjerë të moshës 14 deri 49 vjeçare e që aplikojnë për vizë turistike (B1/B2), që përndryshe nuk kualifikohen të aplikojnë në Prishtinë, duhet të aplikojnë në ambasadën e SHBA-së në Shkup.

Sektori Konsullor ka numër të kufizuar të termineve. Aplikantët duhet të kenë durim nëse data e tyre e dëshiruar për intervistë nuk është në dispozicion. Aplikantët me raste urgjente këshillohen të aplikojnë në ambasadën e SHBA-së në Shkup.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Sipas Balajt, Telekomi ka vlerë mbi 500 milionë euro

Sipas Balajt, Telekomi ka vlerë mbi 500 milionë euro

Kadriu: Lugina s’i beson idesë së Thaçit për kufijtë

Kadriu: Lugina s’i beson idesë së Thaçit për kufijtë

Lumezi i del në mbrojtje haverit të tij, Shpend Maxhunit, për skandalin me djalë

Lumezi i del në mbrojtje haverit të tij, Shpend Maxhunit, për skandalin me djalë

Ambasadori britanik: Vëllezërit e politikanëve në Kosovë, më të pasur se vetë ata

Ambasadori britanik: Vëllezërit e politikanëve në Kosovë, më të pasur se vetë ata

Capussela lidh idenë e Thaçit për kufijtë me Gjykatën Speciale

Capussela lidh idenë e Thaçit për kufijtë me Gjykatën Speciale

Kosovës s’i bëjnë përshtypje pengesat e Serbisë në rrugën drejt Interpol’it

Kosovës s’i bëjnë përshtypje pengesat e Serbisë në rrugën drejt Interpol’it

Aktakuzë për vrasjen e rëndë në Bresalc të Gjilanit

Aktakuzë për vrasjen e rëndë në Bresalc të Gjilanit

Detaje të reja, pse Gani Thaçi i rrahu zyrtarët e Byrosë Kosovare të Sigurimeve

Detaje të reja, pse Gani Thaçi i rrahu zyrtarët e Byrosë Kosovare të Sigurimeve

Kuvendi i Shqipërisë voton shembjen e Teatrit Kombëtar

Kuvendi i Shqipërisë voton shembjen e Teatrit Kombëtar

Apostulli Pal, çfarë mesazhe i dërgoi Thaçi Haradinajt nëpërmjet Lekajt

Apostulli Pal, çfarë mesazhe i dërgoi Thaçi Haradinajt nëpërmjet Lekajt

Ekskluzive: Gjatë incidentit të Gani Thaçit audio-incizimi u ndërpre

Ekskluzive: Gjatë incidentit të Gani Thaçit audio-incizimi u ndërpre

Beogradi u kërkon vendeve kontribuuese të KFOR-it të hapin arkivat për krimet e shqiptarëve

Beogradi u kërkon vendeve kontribuuese të KFOR-it të hapin arkivat për krimet e shqiptarëve

Ana tjetër e medaljes| Kush është Blerim Pushkolli, që hëngri dajak nga vëllai i Presidentit? (Dokument)

Ana tjetër e medaljes| Kush është Blerim Pushkolli, që hëngri dajak nga vëllai i Presidentit? (Dokument)

Ngritja e kapaciteteve për të luftuar kancerin është e domosdoshme

Ngritja e kapaciteteve për të luftuar kancerin është e domosdoshme

Votohet ligji kundër kumarit. Zbulohen mesazhet kërcënuese

Votohet ligji kundër kumarit. Zbulohen mesazhet kërcënuese

Nëse pagat do të ishin 600-800 euro, shumë të rinj s’do të largoheshin nga Kosova

Nëse pagat do të ishin 600-800 euro, shumë të rinj s’do të largoheshin nga Kosova