Massimiliano Allegri ka konfirmuar se Juventusi i do të gjitha trofetë këtë sezon, mirëpo i ka paralajmëruar lojtarët e tij se nuk bën të humbin vëmendjen ashtu siç bën në ndeshjen kundër Manchester Unitedit.

Bianconerët luajnë kundër Valencias të martën në Ligën e Kampionëve, në kërkim të një vendi në 1/8 e finales në garën më të madhe evropiane për klube.

Massimiliano Allegri (Foto: Pier Marco Tacca/Getty Images/Guliver)

Trajneri ka dalë në konferencë për media së bashku me Joao Cancelo duke folur lidhur me ndeshjen që i pret.

“(Blaise) Matuidi dhe (Giorgio) Chiellini do të kthehen. Pas kësaj nuk do të jetë 4-3-3, por 4-3 dhe pastaj do të shohim se çfarë do të ndodhë në sulm”.

Massimiliano Allegri (Foto: Emilio Andreoli/Getty Images/Guliver)

“Nuk është lehtë ta lësh (Juan) Cuadradon ose Douglas Costan në bankën rezervë, ndërsa kjo është një shenjë e mirë për ne”.

“Pas disa ditësh do të na kthehen Emre (Can) dhe (Federico) Bernardeschi”, ka deklaruar Allegri.

“Janë shumë ndeshje, por të gjithë ne e kemi një objektiv të përbashkët, t’i shkojmë deri në fund dhe të fitojmë ndonjë trofe ose ndoshta të gjitha. Shpresojmë se do të jenë të gjitha”, ka shtuar trajneri. /Telegrafi/