Albin Kurti: Kongresi Lushnjës, mësim që mund të nxjerrim nga historia jonë

21.01.2020 22:27
Rreshtat+- AShkronjat+- Printo
Albin Kurti: Kongresi Lushnjës, mësim që mund të nxjerrim nga historia jonë

Lideri i Lëvizjes Vetëvendosje Albin Kurti ka përkujtuar Kongresin e Lushnjës në 100-vjetorin e mbajtjes, ka përshkuar rrugën se si ka ardhur deri të mbajtja e këtij Kongresi, e që sipas tij nga historia e shqiptarëve mund të mësojmë shumë.

Kurti në shkrimin e tij përmend Luftën e Parë Botërore dhe dy luftërat ballkanike, në kohën e të cilave thotë se shqiptarët nuk e gjetën unitetin e brendshëm, dhe shpresat për shpëtim gjithmonë i kishin tek fuqitë e mëdha.

“Nëse lufta vjen te ti e ti nuk je pjesëmarrës, atëherë shndërrohesh në fushëbetejën e tjetërkujt. Kjo u ndodhi shqiptarëve në Luftën e Parë Botërore dhe në dy luftërat ballkanike që i paraprinë asaj. Shqiptarët nuk e gjetën unitetin e brendshëm, dhe shpresat për shpëtim i varën gjithnjë te fuqitë e mëdha, prandaj gjatë këtyre luftërave u gjendën të copëtuar, të përçarë e në anarki”, shkruan Kurti.

Në përkujtimin për Kongresin e Lushnjës, Kurti shkruan për formimin e qeverisë në krye me Sulejman Delvinën që erdhi si pasojë e unitetit të shqiptarëve.

“Më 21 janar 1920, pra 100 vite më parë, patriotët shqiptarë pas shumë përgatitjesh, u mblodhën në Lushnjë, në Kongresin e Lushnjës. Aty vendosën të mos ndalen në përpjekjen e tyre politike e ushtarake për drejtësi e liri për shqiptarët. Gjatë Konferencës së Paqes në Paris ata kishin marrë mbështetje nga presidenti amerikan Woodroë Wilson, e kur kishin falënderuar ambasadorin amerikan në Paris dhe i kishin thënë se gjithë shpresën e kishin te Amerika, ai u ishte përgjigjur: “shpresën duhet ta keni te vetja juaj”. Këtë mesazh patriotët shqiptarë e kuptuan mirë, prandaj thirrën Kongresin e Lushnjës ku zgjodhën një qeveri të re e të pavarur, me në krye Sulejman Delvinën”, shkruan Kurti.

Duke renditur kështu ngjarjet historike të asaj kohe, Kurti në fund shkruan se ka shumë mësime që mund të nxjerrim nga historia jonë.

“Prej aty dërguan një mesazh përfaqësuesve të huaj, me katër pjesë: Kërkesa që popullit shqiptar t’i jepej e drejta të rronte në harmoni me fqinjët e tij, pra t’i njihej pavarësia aty ku jetonte. Kërkesa që Italia të hiqte dorë nga ambiciet territoriale dhe të mbështeste pavarësinë e Shqipërisë. Mirënjohje për mbështetjen nga presidenti amerikan Wilson, i cili kishte proklamuar parimet e tij për të drejtën e popujve për vetëvendosje. Një thirrje botës mbarë për drejtësi për Shqipërinë. Pas Kongresit pasoi lufta e Vlorës, në po atë vit, ku shqiptarë nga të gjitha anët, edhe pse pa ushtri e pa armatim modern, fituan dhe e çliruan vendin nga një pushtues shumë më i fortë. Mësimet që mund të nxjerrim nga historia jonë janë shumë. E përkujtojmë me nderim Kongresin e Lushnjës, dhe ua urojmë Shqipërisë e shqiptarëve 100 vjetorin e parlamentarizmit”, përfundon Kurti.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Vetaksident në Prishtinë

Vetaksident në Prishtinë

Haradinaj: Nëse hiqet taksa, do të ketë qytetarë që do t’ua nxijnë jetën (VIDEO)

Haradinaj: Nëse hiqet taksa, do të ketë qytetarë që do t’ua nxijnë jetën (VIDEO)

Haradinaj: Kurti nuk e di se çfarë është shteti

Haradinaj: Kurti nuk e di se çfarë është shteti

Zyrtari i VV’së në Tiranë: Rama me minishengenin ka plan të rrethohet Kosova e më pas të dorëzohet

Zyrtari i VV’së në Tiranë: Rama me minishengenin ka plan të rrethohet Kosova e më pas të dorëzohet

Elezi: Po luftojmë kundër keqinformimit, përmes transparencës së borxhit publik

Elezi: Po luftojmë kundër keqinformimit, përmes transparencës së borxhit publik

Përplasje të ashpra mes kandidatëve të LDK-LVV-PDK

Përplasje të ashpra mes kandidatëve të LDK-LVV-PDK

Shkaku i Daçiqit po ftohen raportet mes Beogradit dhe Pekinit

Shkaku i Daçiqit po ftohen raportet mes Beogradit dhe Pekinit

Babel tallet me kundërshtarin

Babel tallet me kundërshtarin

Cakaj për njohjen nga Xhamajka

Cakaj për njohjen nga Xhamajka

Ja çka thotë Tërmkolli për Albin Kurtin

Ja çka thotë Tërmkolli për Albin Kurtin

Haki Abazi: Kurti nuk ka thënë se nuk është në dijeni për marrëveshjen por për detajet

Haki Abazi: Kurti nuk ka thënë se nuk është në dijeni për marrëveshjen por për detajet

Qëndrimi në dialog i Grenellit, dëshmi se SHBA-të duan me çdo kusht marrëveshje Kosovë-Serbi

Qëndrimi në dialog i Grenellit, dëshmi se SHBA-të duan me çdo kusht marrëveshje Kosovë-Serbi

Glauk Konjufca: Thank you Jamaica

Glauk Konjufca: Thank you Jamaica

Kastrati kallëzim penal ndaj zyrtarit të MASHT-it, Alush Istogu

Kastrati kallëzim penal ndaj zyrtarit të MASHT-it, Alush Istogu

Në fund të majit, qeveria procedon ligjin e ri për konfiskim të pasurisë së pajustifikueshme

Në fund të majit, qeveria procedon ligjin e ri për konfiskim të pasurisë së pajustifikueshme

Kosova njihet edhe nga Xhamajka

Kosova njihet edhe nga Xhamajka