Absolutisht e sigurt, në qershor BE hap negociatat me Shqipërinë

29.05.2018 15:23
Rreshtat+- AShkronjat+- Printo
Absolutisht e sigurt, në qershor BE hap negociatat me Shqipërinë

Nga Spartak Ngjela

Dy janë morsat që do të shtypin deri në paqenie korrupsionin shqiptar dhe të korruptuarit e Shqipërisë: reforma në drejtësi dhe hapja e negociatave me Bashkimin Europian. Janë që të dyja të lidhura me njëra-tjetrën, por krerët e mëdhenj të korrupsionit shqiptar nuk e kuptuan. Dhe nuk kishin sesi, sepse janë drejtuar nga dritëshkurtësia e mendimit të tyre korruptiv.

Reforma në Drejtësi tani e ka krijuar shtratin e vet juridik. I gjithë korpusi ligjor i reformës është gati për t’u aplikuar. Po hapja e negociatave? Hapja e negociatave me Bashkimin Europian është aspekti kryesor nxitës dhe aplikues i reformës në drejtësi. Kush mendon se negociatat nuk do të hapen në qershor, është mendjengushtë si Saliu dhe Rama, dhe i gjithë korrupsioni kryeministror shqiptar. Nëse nuk hapen negociatat me BE-në, nuk mund të ecë dot përpara Reforma në Drejtësi. Nëse nuk ecën reforma në Drejtësi, nuk shkulet dot nga Shqipëria Korrupsioni kryeministror Berisha-Rama. Nëse nuk shkulet Korrupsion i kryeministror shqiptar, Shqipëria shkon nga kundërshtarët e Uashingtonit dhe Berlinit. Atëherë, është shumë e thjeshtë: hapja e negociatave për anëtarësimin e Shqipërisë në Bashkimin Europian në qershor të këtij viti, është një gjë e sigurt.

Çfarë do sjellë realisht hapja e negociatave? Hapja e negociatave është skemë që BE e ka si metodë për të barazuar nivelet me kandidatët që duhet të anëtarësohen në Bashkimin Europian. Kjo metodë është skemë investuese në lidhje me strukturimin e tregut sipas normave të tregut europian, dhe skemë investuese në lidhje me ristrukturimin institucional të shtetit aktual. Kuptohet që gjithçka lidhet me reformën në drejtësi. Por duhet theksuar se pikërisht këtu flitet për investime të mëdha që kapin disa miliardë euro. Sigurisht që për kontrollin e tyre menjëherë Brukseli cakton katër ose pesë këshilltarë kryesorë: këshilltarin e Kryeministrit, të ministrit të Financave, të ministrit të Ekonomisë dhe të ministrit të Bujqësisë, të ministrit të Brendshëm.

Por, pikërisht këtu është mbërthyer i gjithë ngërçi i korrupsionit kryeministror shqiptar, sepse në këtë formë kontrolli reforma në drejtësi nuk ka më asnjë shans që të ndalohet dot as nga Berisha dhe as nga Rama, se këta nuk do të kenë më asgjë në dorë. Kjo është arsyeja që tani hapja e negociatave me Bashkimin Europian është një gjë e sigurt. Kjo sepse vetë reforma në drejtësi është e strukturuar e gjitha ligjërisht dhe pritet vetëm implementimi i saj. Kurse, ky implementim është penguar nga korrupsioni kryeministror. Por, menjëherë pas hapjes së negociatave, korrupsioni kryeministror nuk do të ketë më asnjë gjë në dorë. Për faktin që BE nëpërmjet Brukselit dhe bankës së vet do të investojë në Shqipëri në treg dje në strukturën juridike të shtetit, në vetë marrëveshjen pas hapjes së negociatave, vendosen pikat e ndërhyrjes së autoritetit të kontrollit të Komisionit Europian. Një nga këto pika pritet të jetë implementimi i reformës në drejtësi, sepse dihet që vetë Brukseli ka marrë pjesë direkte në drejtimin e ligjeve të reformës, madje edhe të kushtetutës së Shqipërisë, të cilat tani janë të gjitha në fuqi. Madje kjo është arsyeja që politika e Brukselit dhe e Uashingtonit tani ndihet e qetë në lidhje me bëmat që vijon të bëjë korrupsion kryeministror shqiptar. Kjo është arsyeja politikë e cila hapjen e negociatave tani e konsideron një nevojë të domosdoshme edhe për Uashingtonin edhe për Berlinin e vetë Brukselin. Madje kjo është arsyeja që edhe ambasador i Bashkimit Europian në Tiranë u emërua pikërisht personi që ka shkruar draftin e vetingut shqiptar. E pra, hapja e negociatave të Bashkimit Europian me Shqipërinë do të bëhet në muajin qershor 2018 me një siguri absolute.

Asnjë forcë e brendshme në Shqipëri sot nuk ka fuqi të bëjë dot gjë kundër kësaj.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Grenell, Thaçit: Progresi në dialogun me Serbinë përfshin heqjen e tarifave

Grenell, Thaçit: Progresi në dialogun me Serbinë përfshin heqjen e tarifave

Dua Lipën dhe Bebe Rexhën i bën bashkë në një skuadër “The Voice” në Amerikë

Dua Lipën dhe Bebe Rexhën i bën bashkë në një skuadër “The Voice” në Amerikë

Muhaxheri thotë se LDK nuk mori vota në emër të ndryshimit, por në emër të qëndrueshmërisë

Muhaxheri thotë se LDK nuk mori vota në emër të ndryshimit, por në emër të qëndrueshmërisë

Bahtiri lidhet live në emision, thotë se Thaçi do të japë dorëheqje për shkak të Speciales

Bahtiri lidhet live në emision, thotë se Thaçi do të japë dorëheqje për shkak të Speciales

Avdyli: Osmani s’është e gatshme të konkurrojë për kryeministre, e as të bëhet me votat e PAN-it

Avdyli: Osmani s’është e gatshme të konkurrojë për kryeministre, e as të bëhet me votat e PAN-it

Bajrami: Konjufca të japë dorëheqje, sepse fati i koalicionit varet nga pozita e tij

Bajrami: Konjufca të japë dorëheqje, sepse fati i koalicionit varet nga pozita e tij

Grenell: S’jam këtu për koalicione, por për zhvillim ekonomik

Grenell: S’jam këtu për koalicione, por për zhvillim ekonomik

Jo me Kurtin që mashtroi qytetarët por të gatshëm për bisedime me LDK-në, janë në AAK

Jo me Kurtin që mashtroi qytetarët por të gatshëm për bisedime me LDK-në, janë në AAK

Miraton Ligjin për shtesa rinore  Kuvendi i Maqedonisë

Miraton Ligjin për shtesa rinore Kuvendi i Maqedonisë

Thaçi në darkë pune me Grenellin Me një orë vonesë, Grenelli i shkon Thaçit në darkë

Thaçi në darkë pune me Grenellin Me një orë vonesë, Grenelli i shkon Thaçit në darkë

Bashkë malazezët dhe shqiptarët në protestën kundër serbëve, ja flamuri shqiptar

Bashkë malazezët dhe shqiptarët në protestën kundër serbëve, ja flamuri shqiptar

S’kanë opsione tjera përveç njëra-tjetrës VV dhe LDK

S’kanë opsione tjera përveç njëra-tjetrës VV dhe LDK

Në sondazhin e ri është epërsi të ngushtë Bernie Sanders ndaj rivalëve Joe Biden dhe Elizabeth Warren

Në sondazhin e ri është epërsi të ngushtë Bernie Sanders ndaj rivalëve Joe Biden dhe Elizabeth Warren

Mediat serbe: Bisedime intensive po zhvillohen në fshehtësi,  marrëveshja përfundimtare Kosovë-Serbi gati

Mediat serbe: Bisedime intensive po zhvillohen në fshehtësi, marrëveshja përfundimtare Kosovë-Serbi gati

Nesër Grenell shkon në zyrat e LDK’së

Nesër Grenell shkon në zyrat e LDK’së

Kurti priti dy kongresmenë amerikanë, ata e ftojnë për vizitë në SHBA

Kurti priti dy kongresmenë amerikanë, ata e ftojnë për vizitë në SHBA