Aleanca për Ardhmërinë e Kosovës (AAK), e ka prishur koalicioni me Aleancën Kosova e Re (AKR) në komunën e Mitrovicës.
Aleanca për Ardhmërinë e Kosovës, ka vlerësuar se AKR-ja ka mungesë të vullnetit për bashkëpunim.
Këtë e ka bërë të ditur AAK-ja nëpërmjet një postimi në rrjetin social Facebook.
“Pas tentimeve të shumta për të harmonizuar qëndrimet dhe programin e AAK-së në këtë Komunë, është vlerësuar se AKR ka mungesë të theksuar të vullnetit për bashkëpunim”, thuhet në njoftimin e AAK-së, përcjell lajmi.net.
“Zhvillimet e javëve të fundit në Mitrovicë kanë qenë vendimtare në marrjen e këtij vendimi. AAK mbetet e përkushtuar për qeverisje të mirë si në nivel qendror po ashtu edhe në atë lokal”, thuhet tutje.