A kishte luftë çlirimtare në Kosovë?!

02.04.2015 12:28
Rreshtat+- AShkronjat+- Printo
Sabri Maxhuni (Novosella)
Më 20 mars të këtij viti, në orët e mbrëmjes në RTK, u zhvillua një intervistë me Hajredin Kuçin. Gjatë intervistës Hajredin Kuçi disa herë e përdori thënien: Para luftës. Edhe pse kjo thënie ishte gjysma e së vërtetës, prapë mu duk jo fort keq, edhe se nuk u tha “para çlirimit”, por “para luftës”.
Ndërsa okupatorët serbë nuk e pranuan as si luftë, por vetëm si një lloj “konflikti ndëretnik”, të njëjtin vlerësim të okupatorëve serbë e pranuan edhe disa udhëheqës të Kosovës, siç ishte rasti me ish-ministrin e FSK-së, Agim Çeku, i cili pranoi se, vërtet ky ishte konflikt ndëretnik!
Si rrjedhojë e fjalorit të udhëheqësve të Kosovës, të politikanëve të Kosovës, të historianëve të Kosovës, është edhe gjuha e mjeteve të informimit e që është shprehur posaçërisht te qytetarët e zakonshëm, që rrallëherë mund ta dëgjosh shprehjen: Gjatë okupimit jugosllav të Kosovës apo pas çlirimit nga pushtimi jugosllav, serbo-sllav apo serb të Kosovës.
Pra, nuk dëgjohen thëniet:
Para Luftës Çlirimtare të Kosovës (LÇK);
Gjatë Luftës Çlirimtare të Kosovës (LÇK);
Pas Luftës Çlirimtare të Kosovës (LÇK).
Në shikim të parë kjo duket si diçka e parëndësishme, si diçka e zakonshme!
Mos vallë këto ndodhin rastësisht?!
T’i kthehemi një lufte që ndodhi në të kaluarën. Është lufta që ndodhi gjatë Luftës së Dytë Botërore e që u zhvillua edhe në territoret shqiptare në Ballkan. Edhe ajo luftë nuk u quajt “Lufta Çlirimtare Shqiptare”.
Në territoret e Shqipërisë Londineze, u quajt “Lufta Nacional Çlirimtare e Shqipërisë – LNÇSH.
Pse vallë nuk u quajt Lufta Çlirimtare Shqiptare?!!!
Kjo nuk ndodhi rastësisht, duhej që gjithsesi të mohohej Lufta Çlirimtare Shqiptare  kundër pushtuesve nazifashist, ngase duhej të pranohej si një luftë e trilluar “Nacional Çlirimtare e Shqipërisë”, e organizuar nga Partia Komuniste e Shqipërisë. Pra, duhej pranuar si e tillë, jo si Luftë Nacional Çlirimtare Shqiptare, por si Luftë Nacional Çlirimtare e Shqipërisë!
Po të thuhej Lufta Nacional Çlirimtare shqiptare e organizuar nga Partia Komuniste shqiptare, binte ndesh me kërkesat e përfaqësuesit të pansllavizmit Milladin Popoviqit që vendoste çdo gjë, për çka e kishin dërguar, eprorët e tij, serbo-sllavët, për ta formuar një grup shqipfolës, për t’u shërbyer në veprimet e tyre antishqiptare, me qëllim të fundit, për ta shkatërruar popullin shqiptar.
Ta cekim vetëm një rast:
Kur paria shqiptare u tubua në Kuvendin e Mukjes, duke marrë vendime për bashkimin e të gjitha forcave të organizuara shqiptare, që të luftonin kundër nazifashizmit, në aleancë të ngushtë me aleatët anglo-amerikanë, për një shtet shqiptar, për Shqipërinë etnike, menjëherë pas këtij Kuvendi, atëherë kur i ra në dorë Programi i Kuvendit të Mukjes Enver Hoxhës, duke ia dhënë në dorë të njëjtin program eprorit të vet, Milladin Popoviqit, ky me arrogancën e eprorit ndaj shërbëtorit të vet, e shqeu Programin e Kuvendit të Mukjes dhe ia dha për surrati Enver Hoxhës duke e urdhëruar: Me reaksionarët nuk ka marrëveshje, reaksionarëve vetëm sëpatë në kokë.
Dhe, natyrisht se, duke u zbatuar urdhrat e përfaqësuesit të pansllavizmit Milladin Popoviq, më Luftë Çlirimtare nuk pati!
U ndez Lufta Nacional Çlirimtare e Shqipërisë(LNÇSH). Gjatë kësaj lufte u vranë 28.000 shqiptarë. Se sa ishte kjo luftë kundër nazifashizmit më së miri na e argumenton Spartak Ngjela, biri i Kiqo Ngjelës, njërit nga ata që merrte urdhra nga Milladin Popoviqi si dhe Enver Hoxha etj.
Tani, Spartak Ngjela thotë se në betejën më të “famshme” kundër nazifashizmit u vranë 4 (katër) gjermanë ! Pra, kjo ishte Lufta Nacional Çlirimtare e Shqipërisë, e organizuar nga Partia Komuniste e Shqipërisë! Edhe për këtë periudhë u përdorën thënjet: Gjatë okupimit nazifashist, gjatë Luftës Nacional Çlirimtare (LNÇ), pas Luftës Nacional Çlirimtare (LNÇ).
E njëjta gjë ndodhi edhe në territoret shqiptare që u riokupuan nga Jugosllavia, me ndihmën e brigadave të LNÇSH dhe me angazhimin direkt të bashkëpunëtorëve serbo-sllav nën udhëheqjen e kryekriminelit Fadil Hoxha.
Mbrojtjen Kombëtare të Kosovës e quajtën bashkëpunëtore të okupatorit!
Kurse riokupimi i Kosovës dhe territoreve shqiptare  nga Serbo-sllavia u quajt: “Çlirimi i Kosovës”!
Operimet e formacioneve ushtarake që e riokupuan Kosovën dhe territoret tjera shqiptare, u quajtën  Lufta Nacional Çlirimtare e Jugosllavisë – LNÇJ.
Këtë thënie e përdorën edhe shqiptarët (bashkëpunëtorët e okupatorëve serbo-sllav) duke sqaruar se kjo apo ajo ngjarje ka të bëjë me periudhën: Para LNÇJ-së apo gjatë LNÇJ-së ose pas LNÇJ-së.
Të dalim te bërthama e kësaj teme që u shtrua për shqyrtim: A u çlirua Kosova?! A ishte lufta e UÇK-së Luftë Çlirimtare e Kosovës?! Apo pse nuk thuhet asnjëherë gjatë okupimit jugosllav të Kosovës. Pse nuk thuhet ta zëmë: Gjatë Luftës Çlirimtare të Kosovës, respektivisht pas çlirimit të Kosovës?! Mos vallë këto po
ndodhin rastësisht ?!
Jo, kurrsesi !!!
Nuk thuhet kësisoj pasi që nuk u lejua të ketë Luftë Çlirimtare të Kosovës (LÇK) edhe pse u bë çmos që të njihet, ngjashëm si në kohën e Luftës së Dytë Botërore vetëm; Ushtria  Çlirimtare e Kosovës (UÇK) dhe vërtetë të thuhej;
Para UÇK-së?!!!
Gjatë UÇK-së?!!!
Pas UÇK-së?!!!
Por jo, ndodhi e kundërta e asaj për çka luftojë UÇK-ja. Menjëherë pas çlirimit të  Kosovës nga pushtuesit serbo-sllav, nuk u ngritën në piedestal heronjtë e Mbrojtjes Kombëtare siç ishin Shaban Polluzha, Gjon Sereqi, Mulla Idriz Gjilani, Marie Shllaku etj., por me një perfiditet të paparë, në piedestal u ngritë Fadil Hoxha, kryekrimineli, komandanti i shtabit të Ushtrisë Jugosllave për Kosovë e Metohi, gjenerali i asaj ushtrie okupuese jugosllave, të cilin okupatorët jugosllav e shpallen hero të Jugosllavisë që më në fund u varrosë me nderime ushtarake nga ushtarët e UÇK-së!
Pas të gjitha kurtheve që u bënë, sot nuk thuhet me vendosmëri se Kosova ishte e okupuar nga serbo-sllavët dhe se Kosova u çlirua nga luftëtarët e Luftës Çlirimtare të Kosovës, ngase këtë luftë e mbështeti një popull i tërë, pra Luftën Çlirimtare të Kosovës, që për aleat e pati Aleancën më të fortë ushtarake në botë siç ishte NATO, e udhëhequr nga Shtetet e Bashkuara të Amerikës.
Prandaj, na mungon thënia apo më mirë vlerësimi i drejtë i atyre periudhave nga historianët e intelektualët, politikanët edhe nga qytetarët siç është ta zëmë:
– Gjatë okupimit të Kosovës;
– Para Çlirimit të Kosovës;
– Gjatë Luftës Çlirimtare të Kosovës;
– Pas Çlirimit të Kosovës!
Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kush është fajtor për infertilitet, gruaja apo burri?

Kush është fajtor për infertilitet, gruaja apo burri?

Individët që punuan që 20 vite kundër shtetit janë sot kundër Albinit

Individët që punuan që 20 vite kundër shtetit janë sot kundër Albinit

Që islamofobia prodhon krishterofobi këtë duhet ta ketë të qartë, madje çdo fëmijë

Që islamofobia prodhon krishterofobi këtë duhet ta ketë të qartë, madje çdo fëmijë

Egoja e Isa Mustafes dhe bllokimi i ndryshimeve ne LDK dhe Kosove

Egoja e Isa Mustafes dhe bllokimi i ndryshimeve ne LDK dhe Kosove

Lojërat e pushtetit të Putinit mund të dalin jashtë kontrollit

Lojërat e pushtetit të Putinit mund të dalin jashtë kontrollit

Katër momente që e kanë ndryshuar negativisht botën pas luftës së ftohtë

Katër momente që e kanë ndryshuar negativisht botën pas luftës së ftohtë

Politika âsht art i kompromisit

Politika âsht art i kompromisit

3 vjet pa Ramiz Kelmendin

3 vjet pa Ramiz Kelmendin

Farsa ideologjike si maskë e politikës amatore

Farsa ideologjike si maskë e politikës amatore

Doni shtet, apo Republikë Fajront?

Doni shtet, apo Republikë Fajront?

Dreka e darka festive për fund vit

Dreka e darka festive për fund vit

A do të lindë Evropa kontinentale më 2020?

A do të lindë Evropa kontinentale më 2020?

Problemi kryesor te Fertilizimi in Vitro: pagesa e tretmanit edhe kur nuk keni sukses

Problemi kryesor te Fertilizimi in Vitro: pagesa e tretmanit edhe kur nuk keni sukses

Degën e PDK-së në Gjilan, e menaxhon një kryetar i cili është nën aktakuzë nga gjykata, për krim të organizuar

Degën e PDK-së në Gjilan, e menaxhon një kryetar i cili është nën aktakuzë nga gjykata, për krim të organizuar

Evropa duhet të shmangë pesimizmin

Evropa duhet të shmangë pesimizmin

Ramë Lahaj – Ramës: Ti ‘kryeministri im’, respektove mikun tënd, e vrasësin tim

Ramë Lahaj – Ramës: Ti ‘kryeministri im’, respektove mikun tënd, e vrasësin tim